Posted: 01/12/2013 03:26 PM IST

        16 ఏళ్ళ భారతీయ బాలుడు భారత్ నుంచి ఓ పడవలో కెనడా వెళుతుండగా, అకస్మాతుగా వచ్చిన తుపాను కారణంగా సముద్రం మధ్యలో చిక్కుకుంటాడు. అందులో ఓ పెద్ద పులి కూడా వుంటుంది. ఈ సమయంలో బాలుడు పులితో దైర్యంతో సాగించిన ప్రయాణమే ‘లైఫ్ ఆఫ్ పై’. నవంబర్ 21న రిలీజైన ఈ చిత్రాన్ని ఆంగ్ లీ రూపొందించాడు. తాజాగా ఈ చిత్రం ఈ ఏడాది ఆస్కార్ బరిలో నిలిచి గట్టి పోటీ ఇవ్వబోతోంది.
       ఆస్కార్ అవార్డుల రేసులో ఏకంగా పదకొండు నామినేషన్లు దక్కించుకుని, ఒక్కసారిగా అందరి దృష్టినీ తన వైపు తిప్పుకుంది. ఉత్తమ చిత్రం, ఉత్తమ సినిమాటోగ్రఫి, ఉత్తమ గాయని సహా  11 విభాగాల్లో ఈ సినిమా  నామినేషన్లు పొందింది.
          కెనడియన్ రచయిత 'యాన్ మార్టెల్'  రాసిన నవల ఆధారంగా దర్శకుడు గంటన్నర సినిమాను మంచి ఉత్కంఠతో నడిపించాడు. ఢిల్లీకి చెందిన సూరజ్ శర్మ ప్రధాన పాత్ర పోషించాడు. మిగతా పాత్రల్లో ఇర్ఫాన్ ఖాన్, టబు, ఆధిల్ హుస్సేన్ కనిపిస్తారు. ఇందులో కర్నాటక గాయని బాంబే జయశ్రీ పాటలు పాడారు.     

...avnk