Posted: 01/04/2013 01:50 PM IST

        తెలుగు తెరమీద సంచలనం రేకెత్తించే సత్తాగల కాంబినేషన్ లో మరో మూవీ ఇవాళ ప్రారంభం అయింది. యంగ్ టైగర్ ఎన్టీఆర్-‘గబ్బర్ సింగ్’ డైరెక్టర్ హరీష్ శంకర్ భారీ బడ్జెట్ మూవీ షూటింగ్ ఈ ఉదయం మొదలైంది. ఈ సినిమా ముహూర్తం ఇటీవలే జరిగిన విషయం తెలిసిందే. హిట్ మూవీ ‘బృందావనం’లో యంగ్ టైగర్ తో జోడీకట్టిన సమంతా ఈ సినిమాలోనూ హీరోయిన్ గా నటిస్తుంది. అయితే మరో హీరోయిన్ ఎవరన్నది ఇంకా ఖరారు కాలేదు.
        ఎన్టీఆర్ ఈ సినిమాలో పవర్ ఫుల్ కాలేజీ స్టూడెంట్ పాత్రలో కనిపించబోతున్నాడు. శ్రీ వెంకటేశ్వర క్రియేషన్స్ బ్యానర్ పై దిల్ రాజు నిర్మిస్తున్న ఈ సినిమాకి చోటా కే నాయుడు సినిమాటోగ్రాఫర్. బృందావనం సినిమాకి సూపర్బ్ మ్యూజిక్ అందించిన తమన్ ఈ సినిమాకీ మ్యూజిక్ అందిస్తున్నాడు. బాద్ షా మూవీకి కూడా సంగీత దర్శకుడు తమన్ కావటం విశేషం. ఇక  సినిమా  జూలైలో ప్రేక్షకుల ముందుకు తెచ్చేలా ప్లాన్ చేస్తున్నారు.
         కాగా, యన్టీఆర్-శ్రీనువైట్ల కామెడీ యాక్షన్ ఎంటర్టైనర్ ‘బాద్షా’ ఆడియోని మార్చి మొదటి వారంలో విడుదల చేయనున్నారు. ఈ భారీ బడ్జెట్ సినిమాని పరమేశ్వర ఆర్ట్స్ బ్యానర్ పై బండ్ల గణేష్ నిర్మిస్తున్నారు. కాజల్ అగర్వాల్ హీరోయిన్ గా నటిస్తున్న ఈ సినిమాకి కథను కోన వెంకట్ – గోపి మోహన్ అందించారు.

...avnk