Posted: 01/02/2013 01:16 PM IST

       అక్కినేనివంశ అండదండలతో ముందుకు సాగుతున్నాడు యంగ్ హీరో సుశాంత్.  'కాళిదాసు', 'కరెంట్‌' చిత్రాలతో హీరోగా తనకంటూ ఓ గుర్తింపు తెచ్చుకున్న ఈ కుర్రహీరో తాజాగా శ్రీనాగ్‌ కార్పోరేషన్‌ పతాకంపై జి.ఎస్‌.కార్తీక్‌ దర్శకత్వంలో ‘అడ్డా’ అనే సినిమా చేస్తున్నాడు. చింతలపూడి శ్రీనివాసరావు, ఎ.నాగసుశీల నిర్మిస్తున్న ఈచిత్రం మూడు పాటలు మినహా షూటింగ్‌ మొత్తం పూర్తి చేసుకుంది.
        మిగిలిన మూడు పాటల్ని ఈ నెలలోనే విదేశాలలో చిత్రీకరిస్తారు. ఫిబ్రవరిలో ఆడియోను రిలీజ్‌ చేస్తారు. ఇప్పటివరకు సుశాంత్‌ చేసిన రెండు సినిమాలకు పూర్తి భిన్నంగా ఈ చిత్రాన్ని తెరకెక్కిస్తున్నారు. దీంతో  శ్రీ నాగ్‌ కార్పోరేషన్‌లో సుశాంత్‌కి ఇది హ్యాట్రిక్‌ మూవీ అవుతుంది.
      సుశాంత్‌, శాన్వి, కోట శ్రీనివాసరావు, తనికెళ్ళ భరణి, రఘుబాబు, నాగినీడు, వేణుమాధవ్‌, తాగుబోతు రమేష్‌, నల్ల వేణు, ధన్‌రాజ్‌, స్వప్నిక తదితరులు ముఖ్యపాత్రలు పోషిస్తున్న ఈ చిత్రానికి సంగీతం: అనూప్‌ రూబెన్స్‌, సినిమాటోగ్రఫీ: ఎస్‌.అరుణ్‌కుమార్‌, ఎడి టింగ్‌: శ్రీనివాస్‌, ఫైట్స్‌: కనల్‌ కణ్ణన్‌, ప్రొడక్షన్‌ కంట్రోలర్‌: ఎం.వి.ఎస్‌.వాసు, కో-డైరెక్టర్స్‌: డి.సాయి కృష్ణ, పి.శ్రీను, నిర్మాతలు: చింతలపూడి శ్రీనివాసరావు,ఎ.నాగసుశీల, కథ-స్క్రీన్‌ప్లే -మాటలు- దర్శకత్వం: జి.ఎస్‌.కార్తీక్‌.

...avnk