Posted: 12/18/2012 04:00 PM IST

       యాక్షన్ ఒకటేకాదు.. కామెడీ, రొమాన్స్ పండించటంలో గోపీచంద్ స్టైలేవేరు. టాలీవుడ్ అగ్రహీరోలకు ఏమాత్రం తీసిపోకుండా నటించే గోపీచంద్ అంటే అందరికీ అభిమానమే. ఈతని ప్రవర్తనకు కూడా ఇండస్ట్రీలో అందరూ మెచ్చుకుంటారు. ఈ యంగ్ హీరో.. పాలబుగ్గల సుందరి తాప్సీ ప్రధాన పాత్రలు పోషిస్తున్న (ఇంకా టైటిల్ ఖరారుకాని) చిత్రం షూటింగ్ ప్రస్తుతం హైదరాబాద్ లో శరవేగంగా జరుగుతోంది.
           చాలావరకూ లడక్ లో చిత్రీకరణ జరుపుకున్న ఈ చిత్రం కథాంశం ఏమంటే..  నిధిని కనుక్కోడానికి ఒక సాధారణ యువకుడి ప్రయాణం. చంద్రశేఖర్ యేలేటి దర్శకత్వంలో రానున్న ఈ అడ్వెంచర్ చిత్రం తాజా షెడ్యూల్ లో క్లైమాక్స్ సన్నివేశాలను, ఇతర సన్నివేశాలను చిత్రీకరిస్తున్నారు.
        శ్రీ వెంకటేశ్వర చిత్ర బ్యానర్ మీద బి వి ఎస్ ఎన్ ప్రసాద్ నిర్మిస్తున్న ఈ చిత్రానికి శ్రీ సంగీతం అందిస్తున్నారు. ఈ చిత్రం 2013 తొలినాళ్లలో విడుదల కానుంది. హీరోయిన్ తాప్సీ ప్రస్తుతం “గుండెల్లో గోదారి” చిత్ర విడుదల కోసం వేచి చూస్తుండగా, గోపీ షూటింగ్ షెడ్యూల్ కూడా బిజీగానే ఉంది.

...avnk