Posted: 11/15/2012 05:13 PM IST

పవర్ స్టార్ పవన్ కళ్యాణ్ చాలా సంవత్సరాల తరువాత విజయాల్ని మూటగట్టుకొని బిజీగా సినిమాలు తీస్తూ పోతున్నాడు. త్వరలో ఆయన త్రివిక్రమ్ దర్శకత్వంలో ఓ సినిమా చేయబోతున్నాడు. ఇంత వరకు బాగానే ఉన్నా పవన్ కళ్యాన్ త్వరలో మళ్లీ మెగా ఫోన్ పట్టబోతున్నాడని వార్తలు. గతంలో సొంతంగా ‘జానీ ’ సినిమాకు దర్శకత్వం వహించి చేతులు కాల్చుకున్న పవన్ తరువాత వేరే వారి దర్శకత్వంలో సినిమాలు చేస్తూ బిజీ అయ్యారు. మళ్ళీ ఇప్పుడు సొంతంగా ఓ సినిమా తీయాలనే ఆలోచనకు వచ్చినట్లు ఆయన సన్నిహితులు చెబుతున్నారు. ప్రస్తుతం పవన్ మరో సినిమాకి రెఢీ అవుతూనే, సమయం దొరికినప్పుడల్లా తాను తీయబోయే సినిమా స్ర్కిప్టు వర్క్ చేస్తున్నాడట. గతంలో తీసిన సినిమాలో ఏం మిస్సయ్సాయో, ఏ పొరపాట్లు జరిగాయో వాటిని గుర్తించి, ఈ సారి పక్కాగా తీయాలని అనుకొని సీరియస్ గా వర్క్ చేస్తున్నాడట. దీనికి సంబంధించిన పూర్తి వివరాలు త్వరలోనే వెల్లడయ్యే అవకాశాలు కూడా ఉన్నాయని అంటున్నారు. మరి సారి ఏం చేస్తాడో చూడాలి.