Posted: 11/05/2012 11:43 AM IST

ఎంతోకాలంనుంచి తెరమీద వెనుక మీ టాలెంట్ చూపించి తానేమిటో నిరూపించుకోవాలనుకుంటున్నారా. అయితే మీకు నీలిమా తిరుమల శెట్టి ఆ అవకాశం కల్పిస్తున్నారు. పవన్ కళ్యాణ్ తో పంజా సినిమా తీసిన సంఘమిత్ర ఆర్ట్స్ ప్లస్ ప్రముఖ టీవీ చానల్ మా టీవీ సంయుక్తంగా త్వరలోనే ‘షార్ట్ ఫిల్మ్ కాంటెస్ట్’ అని ఒక కార్యక్రమం నిర్వహించనుంది. ఫిల్మ్ మేకర్స్ కావాలనుకునే వారికిదొక సరైన వేదిక. సుమారు నెల రోజుల పాటు జరిగే ఈ కాంటెస్ట్ లో వచ్చిన వాటిలో ఉత్తమమైన వాటిని మా టీవీ వారి ఎదో ఒక చానల్లో ప్రసారం చేస్తారు. దీని గురించి నీలిమ తిరుమల శెట్టి వెల్లడిస్తూ ‘ సంగమిత్రా ఆర్ట్స్ వారు ఒక కార్పోరేట్ సంస్థతో కలిసి, ఒక ప్రముఖ ఎంటర్టైన్మెంట్ చానల్ ఆధ్వర్యంలో ‘ఎ ఫిల్మ్ బై?’ అనే ఒక రియాలిటీ షో చేయబోతోంది. ఈ అరుదైన అవకాశాన్ని వినియోగించుకొని మీ కలను నిజం చేసుకోండి, అలాగే ఎంతో మంది వీక్షకుల అభిమానాన్ని గెలుచుకోండి. ఈ షో కోసం దేశవ్యాప్తంగా ఫిలిం మేకర్స్ అవ్వాలని కోరిక ఉన్నవారిని ఆహానిస్తున్నామని’ ఆమె ట్వీట్ చేసారు. ఈ షోకి సంబందించిన మరిన్ని వివరాలు త్వరలోనే తెలియజేయనున్నామని వెల్లడించారు. న్యూ టాలెంట్ యంకరేజ్ చేయటంలో ఎప్పుడూ ముందుండే నీలిమ గారు ఇచ్చే ఈ అవకాశాన్ని అందిపుచ్చుకోండిమరి...

...avnk