Posted: 11/01/2012 05:10 PM IST

టాలీవుడ్ లో మంచి గుర్తింపు పొంది, టాప్ హీరోయిన్ గా పేరు తెచ్చుకున్న గోవా బ్యూటి ఇలియానా పాపులారిటీ వచ్చిన తరువాత బాలీవుడ్ కి వెళ్ళి పోయి అక్కడ తన టాలెంట్ ని చూపించి అక్కడ పాగా వేద్దామని చూసింది. కానీ ఈ అమ్మడుకి అక్కడ అంతగా కలిసి రాలేదు. ఈ మధ్యన ఇలియానాకు తెలుగులో హిందీలో కూడా అంతంత మాత్రమే అవకాశాలు వస్తున్నాయి. ఇటీవల ఈ అమ్మడు తెలుగులో నటించిన స్నేహితుడా, జులాయి, దేవుడు చేసిన మనుష్యులు విడుదల అయ్యాయి. ఇవి కూడా అంతంత మాత్రమే ఆడాయి. ఇక ఆ విషయం ప్రక్కన బెడితే... ఈ అమ్మడు పేరు చెబితేనే... తెలుగు ఇండస్ట్రీ అగ్గిమీద గుగ్గిలం అవుతుందట. ఈమె అంతలా చేసిన తప్పేంటి అని అనుకుంటున్నారా ? ఈ మధ్యన ఇలియానా తాను నటించిన సినిమాల ప్రమోషన్లకి రాకపోవడమే కారణం అంటున్నారు. ఆమె జులాయి ప్రమోషన్ కి రాకుండా,  జులాయి ఆడియోకి సైతం డుమ్మా కొట్టిన ఈ ముద్దుగుమ్మ దృష్టి మొత్తం బాలీవుడ్ మీదే ఉండటంతో తెలుగుపై ఆమె పెద్దగా ఆసక్తి చూపించటం లేదని అంటున్నారు. ఈ విషయం పై ఆ మధ్యన పెద్దన ఎత్తున విమర్శలు కూడా వచ్చాయి. ఇలియానాని పెట్టుకుంటే సినిమాకి ఏ మాత్రం ఉపయోగం లేదని భావించిన సదరు తెలుగు ఇండస్ట్రీ దర్శక నిర్మాతలు ఈమెను తీసుకోవడానికి ఇష్ట పడటం లేదట. కొందరు సినీ జనాలు అయితే... ఎవరు చేసుకున్న గోతిలో వారు పడటం అంటే ఇదే అంటున్నారు.