Posted: 10/30/2012 03:42 PM IST

ఏంటి.. ఖర్మకాలి ఏ నిర్మాతకైనా వందబద్దాలు చెప్పి... ఓ సినిమాకి దర్శకత్వం చేసి మనమీదకొదులుతాడా ఈ తేజ అనుకున్నారా.. అందేం కాదు కాంగారొద్దు.  తేజ చెప్పేవన్నీ అబద్ధాలే.. అని ఇండిస్టీలో టాక్‌ ఎలా ఉన్నా.. తాను చేయబోయే సినిమాకు '100 అబద్ధాలు' అని పేరుపెట్టాడీ వెరైటీ కోరుకునే దర్శకుడు.  శ్రీ ప్రొడక్షన్స్‌ పతాకంపై పి.సునీత, ఎన్‌. సీతారామయ్య ఈ చిత్రాన్ని నిర్మిస్తున్నారు. కెమెరా: రసూల్‌, ఎగ్జిక్యూటివ్‌ ప్రొడ్యూసర్‌ శ్రీను బత్తుల. ఈ చిత్ర ప్రారంభం సంస్థ కార్యాలయంలో జరిగింది. తొలిషాట్‌కు తేజ కెమెరా స్విచ్చాన్‌ చేయగా, ధర్మవరపు క్లాప్‌ కొట్టారు. ఏవీఎస్‌ దర్శకత్వం వహించారు. తేజ మార్కు రొమాంటిక్‌ ఎంటర్‌టైనర్‌ గా సాగే ఈ చిత్రంలో సాయిరామ్‌ శంకర్‌ పాత్ర చిత్రణ లవ్లీగా ఉంటుందని తెలుస్తోంది. ప్రస్తుతం కథానాయిక ఎంపిక జరుగుతోంది. రమణ గోగుల స్వరాలు అందిస్తున్నారు. ఇందులో మొత్తం ఆరు పాటలున్నాయి. నవంబర్‌ 8 నుంచి రెగ్యులర్‌ షూటింగ్‌ మొదలు కానుంది.