Posted: 10/08/2012 06:19 PM IST

తెలుగు తమిళంలో అగ్ర కథానాయకుడిగా కొనసాగుతోన్న సూర్య కినుక వహించాడని భోగట్ట. ఎందుకంటారా.. 'బ్రదర్స్' సినిమా పై జరుగుతోన్న ప్రచారమేనని తెలుస్తోంది. తమిళంలో నిర్మితమైన 'మాట్రాన్' చిత్రం తెలుగు ప్రేక్షకులను 'బ్రదర్స్' పేరుతో పలకరించనుంది. ఈ సినిమాలో సూర్య అవిభక్త కవలలుగా ద్విపాత్రాభినయం చేశాడు. అయితే ఈ సినిమా హాలీవుడ్ లో వచ్చిన 'stuck on you ' అనే సినిమాకి కాపీ అనే ప్రచారం కోలీవుడ్ లో ఊపందుకుంది. కొత్తదనం కోసం ఎంతో కష్టపడి విజయం కోసం తామంతా ఎదురుచూస్తోన్న తరుణంలో ఇలాంటి ప్రచారం జరుగుతుండటం పట్ల సూర్య తీవ్రమైన అసహనాన్ని వ్యక్తం చేశాడు. ఇతరభాషా చిత్రాలను కాపీ కొట్టవలసిన అవసరం తమకిలేదనీ, తమ ఆలోచనా విధానంతో రూపొందిన ఈ సినిమా కొత్తదనాన్ని ఆవిష్కరించడం ఖాయమని చెప్పాడు. ఈ కథని శుభ కొత్తగా తయారుచేయడం జరిగిందనీ, అసలు ఈ సినిమాను పోలిన సినిమా హాలీవుడ్ లో ఒకటి ఉందనే విషయం కూడా తమలో ఎవరికీ తెలియదని ఆయన అన్నాడు. కాజల్ కథానాయికగా నటించిన ఈ సినిమా ఈ నెల 12 న విడుదల కానుంది. ఇవాళ విడుదలైన ఈ చిత్ర టీజర్ ఆకర్షణీయంగా ఉంది.. ఇదిగో చూడండి మీరూ..

...avnk