Posted: 09/24/2012 03:57 PM IST

      

        టాలీవుడ్ సూపర్ స్టార్ మహేష్ బాబు ఇప్పుడు పెద్ద టైటిల్స్ తో ముందుకొస్తున్నాడు. ఇప్పటికే హల్ చల్ చేస్తోన్న ‘సీతమ్మవాకిట్లో సిరిమల్లె చెట్టు’ మల్టీ స్టారర్ మూవీ కాగా, తాజాగా వస్తోన్న మరో చిత్ర టైటిల్ ‘క్రుష్ణా ముకుందా మురారి’. బృందావనం సినిమాతో కూల్ హిట్ అందించిన వంశి పైడిపల్లితో మహేష్ ఈ సినిమా చేయడానికి అంగీకరించినట్లు సమాచారం. వంశి చెప్పిన స్క్రిప్ట్ కి మహేష్ గ్రీన్ సిగ్నల్ ఇచ్చినట్లు, ఈ సినిమాకి కృష్ణా ముకుందా మురారి అనే కూడా ఖరారైనట్లు తెలిసింది. మహేష్ బాబు ప్రస్తుతం సీతమ్మ వాకిట్లో సిరిమల్లె చెట్టు, సుకుమార్ సినిమాలతో బిజీగా ఉన్నాడు. అటు వంశి పైడిపల్లి రామ్ చరణ్ తో ఎవడు సినిమాతో తీరిక లేకుండా గడుపుతున్నారు. ఈ సినిమాలు షూటింగ్ పూర్తయిన తరువాత ఈ సినిమా సెట్స్ పైకి వెళ్తుంది. కొత్త సినిమా టైటిల్స్ విషయంలో కొత్త రూటు ఎంచుకున్న మహేష్ రాబోయే సినిమాలు ఎలా ఉండబోతున్నాయనే దానిపై అందరికీ ఆసక్తి పెరిగింది. దీనికి కారణం ఇంతవరకూ మహేష్ చిన్న టైటిల్స్ తోనే ప్రభంజనాలు స్రుష్టించాడు. దూకుడు, బిజినెస్ మేన్, పోకిరీ, అతడు ఇలా.. ఈ మూవీలన్నీ భారీ విజయాలు సాధించిన సంగతి విదితమే. మరోవైపు మహేంద్ర ట్రాక్టర్స్‌ కి మహేష్‌బాబు బ్రాండ్‌ అంబాసిడర్‌గా వ్యవహరించడానికి అంగీకరించిన సంగతి తెలిసిందే. ఈ కమర్షియల్‌ యాడ్‌కి సంబంధించిన షూటింగ్‌ ఒక్కరోజుపాటు హైదరాబాద్‌లోని అన్నపూర్ణ 7 ఎకరాల్లో జరిగింది. త్రివిక్రమ్‌ శ్రీనివాస్‌ ఈ యాడ్‌కి దర్శకత్వం వహించారు.

...avnk