Posted: 09/07/2012 04:45 PM IST

       డెబ్యూ మూవీ 'స్నేహగీతం' తో విమర్శకుల ప్రసంశలు పొందిన డైరెక్టర్ మధుర శ్రీధర్ అనంతం 'ఇట్స్ మై లవ్ స్టోరీ' రూపొందించారు. మళ్లీ ఇప్పుడు తాజాగా మరో డిఫెరెంట్ లవ్ స్టోరీ తెరపైకి తెచ్చేందుకు రంగం సిద్దం చేశాడు.  ముఖ్యంగా యువతను ఆకట్టుకునే చిత్రాలు రూపొందించిన  ఈ దర్శకుడు తన తదుపరి చిత్రానికి '123' అనే టైటిల్ నిర్ణయించారు. ఇందులో హీరోగా తమిళ నటుడు మహత్ రాఘవేంద్ర (తాప్సీ మాజీ ప్రియుడు, మంచు మనోజ్ చేతిలో దెబ్బలు తిన్న నటుడు) కథానాయకుడుగా నటిస్తున్నాడు. దీనికి  '1 లైఫ్, 2 లవ్స్, 3 హార్ట్స్' అనేది ట్యాగ్ లైన్. ఈ నెల 20 న ఈ చిత్రం పూజాకార్యక్రమాలు హైదరాబాదులో జరుగుతాయి. అక్టోబర్ నుంచి రెగ్యులర్ షూటింగు మొదలవుతుంది. కాగా, ఈ సినిమాలో హీరోగా మొదట్లో బ్రహ్మానందం కొడుకు గౌతమ్ ను అనుకున్నారు. కానీ అది వర్కవుట్ కాలేదు. ఇదిలా ఉంచితే, తన దర్శకత్వంలో రూపొందే హిందీ సినిమా 'విక్కీ డోనార్' రీమేక్ డిసెంబర్లో మొదలవుతుందనీ, ఈ లోగా ఈ 123 సినిమా పూర్తవుతుందనీ మధుర శ్రీధర్ తెలిపారు.

...avnk