Posted: 09/05/2012 01:22 PM IST

       నరసింహ నంది దర్శకత్వంలో 'దక్షిణమధ్య రైల్వేజట్టు' అనే ఓ విభిన్న చిత్రాన్ని రూపొందిస్తోన్న సంగతి తెలిసిందే. శ్రీ శివపార్వతి కంబైన్స్‌ బ్యానర్‌పై నిర్మాత కె.సురేష్‌బాబు నిర్మిస్తున్నారు. మాస్టర్‌ హేమచంద్రారెడ్డి, బేబి హేమశ్రీ సమర్పిస్తున్నారు. ప్రస్తుతం ఈ చిత్రం మొదటి షెడ్యూల్‌ జరుపుకుంటోంది. ఈ సందర్భంగా నిర్మాత మాట్లాడుతూ..'కనిగిరిలో ప్రారంభమైన రెగ్యులర్‌ షూటింగ్‌ ఎరికెవారిపల్లె, పెదర్లపాడు, నందనమారెళ్ళ, బొగ్గులగండి గ్రామాల్లో ఒరిజినల్‌ లొకేషన్స్‌లో జరుగుతోంది. హీరో శివాజీ, హీరోయిన్‌ సరస్వతి, గుండు హనుమంతరావు, జెన్నీ, ప్రసన్నకుమార్‌, శ్రీనివాస్‌, దిల్‌ రమేష్‌లతోపాటు టీమ్‌ మెంబర్స్‌ అంతా ఈ షూటింగ్‌లో పాల్గొంటున్నారు. ఈ షెడ్యూల్‌ తర్వాత మళ్ళీ చిత్రంలోని 70 మంది ఆర్టిస్టులకు నెలరోజులపాటు ట్రైనింగ్‌ ఇవ్వనున్నాం. అనంతరం రెండో షెడ్యూల్‌ ప్రారంభమవుతుంది. సినిమా చాలా బాగా వస్తోంది' అని అన్నారు. దర్శకుడు నరసింహ నంది మాట్లాడుతూ...'నేను ఏదైతే కాన్సెప్ట్‌ అనుకున్నానో దాన్ని హండ్రెడ్‌ పర్సెంట్‌ ప్రెజెంట్‌ చేసేందుకు మంచి టీమ్‌ దొరికింది. సినిమా బాగా రావడానికి ఆర్టిస్టులంతా ఎంతో సహకరించారు. ఈ విషయంలో నేను చాలా హ్యాపీగా వున్నాను' అని అన్నారు.  శరవేగంగా షూటింగ్ జరుగుతుందని త్వరలోనే ఆడియో, విడుదల చేస్తామని వెల్లడించారు. ఇక చిత్ర కథాంశానికి వస్తే.. అందమైన అమ్మాయిలు తాము చేసిన శపథం ఎంతవరకూ నెరవేర్చుకున్నారు. ఇందులో వారెదుర్కొన్న సవాళ్లు ప్రధానంగా ప్రేక్షకులను హత్తుకుంటాయని సమాచారం.

...avnk