Posted: 09/04/2012 07:20 PM IST

       మాస్‌ మహరాజా రవితేజ తన బాడీలాంగ్వేజ్‌కు ఇమేజ్‌కు తగ్గట్టుగా 'బలుపు' అనే మరో విభిన్న టైటిల్‌తో ప్రేక్షకుల ముందుకు రాబోతున్నాడు. ఇంతకు ముందు రవితేజతో 'డాను శీను' చిత్రాన్ని రూపొందించిన గోపీచంద్‌ మలినేని దర్శకత్వంలో ఈ చిత్రం రూపొందనుంది. పీవీపీ సినిమా పతాకంపై ప్రసాద్‌ పొట్లూరి నిర్మించనున్న ఈ చిత్రం షూటింగ్‌కు ముహూర్తం ఖరారైంది. అక్టోబర్లో ఈ చిత్రాన్ని ప్రారంభించేందుకు సన్నాహాలు చేస్తున్నారు. ఈ చిత్రంలో శృతిహాసన్‌ హీరోయిన్‌గా సెలక్ట్‌ అయింది. సంగీత దర్శకుడు తమన్‌ ఈ చిత్రానికి సూపర్‌హిట్‌ ఆడియో అందించేందుకు కృషి చేస్తున్నాడు.
        ఈ చిత్రంలో రవితేజ క్యారెక్టర్‌ కామెడీని పండిస్తూ యాక్షన్‌ సీన్లతో అదరగొట్టేదిగా ఉంటే...శృతిహాసన్‌ క్యారెక్టర్‌ రవితేజకు తగిన జోడీగా ఎంటర్‌టైన్మైంట్‌ పంచుతూ అందాల ఆరబోతతో గ్లామరస్‌గా ఉంటుందని తెలుస్తోంది. దర్శకుడు గోపీచంద్‌ ఈ చిత్రం కోసం పుల్లీ లోడెడ్‌ ఎంటర్‌టైన్మెంట్‌ స్క్రిప్టును రెడీ చేస్తున్నాడు. ప్రస్తుతం రవితేజ 'సార్‌ వచ్చారు' చిత్రంలో నటిస్తున్నారు. శృతిహాసన్‌ ప్రస్తుతం ప్రభుదేవా హిందీలో 'నువ్వొస్తానంటే నేనొద్దంటానా చిత్రానికి రీమేక్‌గా రూపొందుతున్న చిత్రంలో నటిస్తున్నాడు.

...avnk