Posted: 09/04/2012 02:22 PM IST

        రామ్ గోపాల్ వర్మ... సుప్రసిద్ధ దర్శకుడు, మాటకారి..ప్రతిభాశాలి.. ఏంచేసినా సంచలనమే. అది సినిమా అయినా మరేదైనా.., ఆయనకాయనే సాటి. మాఫియా, ఫ్యాక్షన్, హారర్ చిత్రాలను తెరకెక్కించడంలో సిద్ధహస్తుడైన  రాంగోపాల్ వర్మ మరో మారు ప్రేక్షకులను భయ పెట్టేందుకు సిద్దమవుతున్నాడు. కేవలం కెమెరా పనితనం ... సౌండ్ ఎఫెక్ట్స్ పై తనకున్న పట్టుతోనే ఆయన ప్రేక్షకులని భయభ్రాంతులకి గురిచేయగలడనే నానుడి ఉంది. ఈమధ్య ఫ్యాక్షన్ సినిమాలతో కాస్త హడావిడి చేసిన వర్మ, ఆటవిడుపుగా తిరిగి హారర్ చిత్రాలపై పడ్డాడు. ఈ నేపథ్యంలో గతంలో ఊర్మిళ ప్రధాన పాత్రగా తెరకెక్కించిన 'భూత్' చిత్రానికి సీక్వెల్ గా 'భూత్ - 2 ' చిత్రాన్ని తెరకెక్కిస్తున్నాడు.  అయితే తాజా సమాచారం ప్రకారం ఈ సినిమా టైటిల్ ను 'భూత్ రిటర్న్స్'గా మార్చాడు వర్మ. దీనికి సంబంధించిన పోస్టర్ ను కూడా రాము కొద్దిసేపటిక్రితం విడుదల చేశాడు. ఈ సినిమాలో మనీషా కోయిరాలా ... జేడీ చక్రవర్తి జంటగా నటిస్తున్నారు. తన తాజా దయ్యం సినిమా ‘భూత్ రిటర్న్స్’ను అక్టోబర్ 12వ తేదీన విడుదల చేయబోతున్నట్టు వర్మ ఇవాళ ప్రకటించాడు.
      ఈ మూవీ సంగతిలాఉంటే.. 26/11' దాడుల నేపథ్యంలో రామ్‌గోపాల్‌వర్మ ఒక చిత్రానికి దర్శకత్వం వహిస్తున్న విషయం తెలిసిందే. ముంబరులోని తాజ్‌ హోటల్‌లో దాడులు జరిగాయి కాబట్టి...అక్కడ షూటింగ్‌ చేయాలనుకున్నాడు రాము. కానీ తాజ్‌వాళ్లు ఫుల్‌ సినిమా తీయడానికి అనుమతి ఇవ్వలేదట. కొన్ని షాట్స్‌ వరకే అనుమతి లభించడంతో రెండున్నర కోట్లు పెట్టి తాజ్‌ హోటల్‌ సెట్‌ వేయిస్తున్నాడట రామ్‌గోపాల్‌వర్మ. ఈ చిత్రాలు ఏమేరకు సంచలనాలు రేకెత్తిస్తాయో చూడాలి.

...avnk