Posted: 08/28/2012 02:22 PM IST

       కొత్త హీరో హీరోయిన్లు గీతానంద్‌, మైథిలి, కృష్ణ, హాసిని నటీనటులుగా జయప్రకాష్‌ కె. దర్శకత్వంలో రూపొందుతున్న చిత్రం 'తెలిసి తెలియక'. అమ్మ ఆర్ట్‌ బేనర్‌పై నవీన్‌ ఇండ్ల, కుమార్‌బాబు నిర్మిస్తున్నారు. చిత్ర లోగోను డి.రామానాయుడు ఆవిష్కరించారు.  అనంతరం ఆయన మాట్లాడుతూ...'చిత్ర పోస్టర్లు వైవిధ్యంగా ఉన్నాయి. కొత్తవారిని పరిచయం చేయడం దర్శక నిర్మాతల్ని అభినందించాలి. సక్సెస్‌ ఫెయిల్యూర్‌ ఇండిస్టీలో సమానంగా స్వీకరించాలి' అని అన్నారు. చిత్ర దర్శకుడు మాట్లాడుతూ..'ఇదొక లవ్‌స్టోరీ. 15 నుంచి 19 సంవత్సరాల వయస్సులో ఉన్న రెండు జంటలమధ్య భావోద్వేగాలు ఎలా ఉంటాయనేది సినిమాలో చూపిస్తున్నాం. త్వరలో విడుదల కానుంది' అని తెలిపారు. నిర్మాత కుమార్‌బాబు మాట్లాడుతూ...'ఈ బ్యానర్‌లో వస్తున్న తొలి చిత్రమిది. కొత్తవారికి అవకాశం కల్పించా'మని అంతా ఆదరించాలని కోరారు.

...avnk