Posted: 08/27/2012 08:09 PM IST

      నందమూరి నటసింహం బాలకృష్ణ తన సినిమాలకి సంబంధించి కొంతకాలంగా దూకుడు పెంచాడు. సింహా ఘనవిజయం లాగాయితూ.. జయాపజయాలకి అతీతంగా ఆయన సినిమాలు వరుసగా ప్రేక్షకుల ముందుకి వచ్చాయి. అయితే 'శ్రీమన్నారాయణ' సినిమా తరువాత బాలకృష్ణ  ఓ ఆరునెలల పాటు బ్రేక్ తీసుకోనున్నట్టు వార్తలు వస్తున్నాయి. ఈ సమయంలో ఆయన తన భవిష్యత్ రాజకీయ కార్యాచరణపై దృష్టి పెట్టడమే కాకుండా, 'బసవతారకం క్యాన్సర్ హాస్పిటల్' నిర్వహణ నిమిత్తం నిధులు సేకరించనున్నారు. అందువల్ల ఆయన దాదాపు 6 నెలల తరువాతే మేకప్ వేసుకోనున్నారని తెలుస్తోంది.  సింగీతం శ్రీనివాస రావు దర్శకత్వంలో బాలకృష్ణ చేయనున్న 'ఆదిత్య 999' ... అలాగే 'శ్ర్రీ కృష్ణదేవరాయలు'గా ఆయన చేయనున్న మరో చిత్రం కూడా ఈ బ్రేక్ తరువాతే తెరకెక్కుతాయని అంటున్నారు. ఇప్పటికే తన వారసుడు మోక్షజ్ఞను రంగంలోకి దింపడానికి సన్నాహాలు మొదలు పెట్టిన బాలకృష్ణ , సంవత్సరంలో సగభాగం రాజకీయాలు ... ఇతర సేవా కార్యక్రమాలకి కేటాయించనున్నారని వినికిడి.

...avnk