Posted: 08/22/2012 05:54 PM IST

పవన్ కళ్యాణ్ ప్రస్తుతం పూరీ జగన్నాథ్ దర్శకత్వంలో 'కెమెరామేన్ గంగతో రాంబాబు' చిత్రంలో నటిస్తున్న విషయం తెలిసిందే. ఈ సినిమా షూటింగ్ మొదలైనప్పటి నుండే దీని పై ఎంతో క్రేజ్ ఏర్పడటమే కాకుండా, ఈ సినిమా హక్కులను సొంతం చేసుకోవాలని చాలా మంది ఎదురు చూస్తున్నారు. తాజాగా ఈ చిత్రం ఉత్తరాంధ్ర (విశాఖ) ప్రాంతానికి చేసిన బిజినెస్ మార్కెట్ వర్గాలను విస్మయానికి గురిచేస్తోంది. 4 కోట్ల 10 లక్షల మొత్తానికి వైజాగ్ హక్కులు అమ్ముడుపోయినట్టు తెలుస్తోంది.  ఇంత రేటు పలకడానికి కారణం గబ్బర్ సింగ్ కలక్షన్లే కారణం అని, దాని ప్రభావంతోనే అంత రేటు పెట్టి సొంత చేసుకున్నారని అంటున్నారు. ఏది ఏమైనా పవన్ కళ్యాణ్ స్టామినా మరోసారి రుజువయ్యిందని అంటున్నారు.