Posted: 08/19/2012 07:26 PM IST

     ఒకప్పుడు ఫ్యామిలీ ఓరియంటెడ్ సినిమాలు చేసి శహభాష్ అనిపించుకున్నారు ఎస్వీకె. వచ్చిన మొదట్లోనే కుటుంబ సమేతంగా చూడదగిన సినిమాలు మాత్రమే తీస్తానంటూ కెరియర్ ను ప్రారంభించిన ఎస్వీ కృష్ణారెడ్డి, ఈనాటి వరకూ అదే మాటకి కట్టుబడి ఉన్నారు. 'రాజేంద్రుడు - గజేంద్రుడు' ... 'మాయలోడు'  వంటి పూర్తి వినోదాత్మక చిత్రాలతో పాటు, 'ఎగిరే పావురమా' ... 'ఆహ్వానం' వంటి ఫ్యామిలీ సెంటిమెంట్ చిత్రాలను సైతం రూపొందించి తన ప్రత్యేకతను చాటుకున్నారు. తన 19 యేళ్ళ కెరియర్ లో 38 చిత్రాలను తెరకెక్కించిన కృష్ణారెడ్డి, త్వరలో ఓ హాలీవుడ్ సినిమాతో ప్రేక్షకులను పలకరించనున్నారు. ఆర్.ఆర్.మూవీమేకర్స్ బ్యానర్ పై నిర్మించిన ఈ సినిమా పేరు 'డైవోర్స్ ఇన్విటేషన్'. గతంలో ఇదే కాన్సెప్ట్ తో ఆయన రూపొందించిన 'ఆహ్వానం' మహిళా ప్రేక్షకుల ఆదరణ పొందింది. ఈ నేపథ్యంలో ఈ ఆంగ్ల చిత్రం ఎలాంటి ఫలితాలను ఇస్తుందనేది ఆసక్తికరంగా మారింది. త్వరలో ప్రపంచ వ్యాప్తంగా విడుదల కానున్న ఈ సినిమాలో, జోనాథన్ బెన్నెట్ ... జేమీలిన్ సింగ్లార్ ... నాడియా జోర్లీన్ ... ఎలియట్ గోల్డ్ తదితరులు ముఖ్య పాత్రలను పోషించారు. అక్కడకూడా ఈ సినిమా విజయవంతమై తెలుగోడి ఖ్యాతి అక్కడకూడా వెలుగొందాలని కాంక్షిద్దాం..

...avnk