Posted: 07/27/2012 03:33 PM IST

       విలక్షణ నటుడు మోహన్ బాబు తన రూటే సపరేటు అని ఎప్పుడో చెప్పారు. ఆయన ఆనందాన్నైనా ... ఆవేదననైనా తన సహజమైన శైలిలోనే వ్యక్తం చేస్తుంటారు. తాజాగా ఆయన 'ఊ కొడతారా ఉలిక్కిపడతారా' చిత్రం గురించి మాట్లాడుతూ అదే తీరును ప్రదర్శించారు. ఇవాళ (శుక్రవారం) రోజున ఈ సినిమా విడుదల కానున్న సందర్భంగా ఆయన మాట్లాడుతూ, పైరసీ కారణంగా నిర్మాతలు భారీగా నష్టపోతున్నారని అన్నారు. రోజు రోజుకీ బలపడిపోతున్న పైరసీ జాడ్యం నిర్మాతలను బలి తీసుకుంటుందనీ ... చిత్ర పరిశ్రమలోని వారంతా కలిసికట్టుగా పోరాడకపోవడమే ఇందుకు ప్రధాన కారణమని ఆవేదనని వ్యక్తం చేశారు. తమ సినిమా పైరసీ జరిగినట్టయితే, ఆ సమాచారం ఇచ్చిన వారికి తాను తగిన ప్రతిఫలాన్ని అందజేస్తానని ఆయన చెప్పారు. సమాచారాన్ని అందించినవారి అవసరాన్ని బట్టి 50 వేల నగదు గానీ ... ఉద్యోగం గానీ ... ఇంజనీరింగ్ వరకూ ఉచిత విద్యను అందించడం గాని చేస్తానని అన్నారు.

..avnk