Posted: 07/19/2012 04:52 PM IST

తమిళ హీరో సూర్య తమ్ముడు అయిన కార్తి ఇప్పుడు టాప్ లిస్టులో చేరిపోయాడు. తన తమిళ సినిమాలను తెలుగులో రీమేక్ చేస్తూ మంచి హిట్లు సాధిస్తూ ఇక్కడ మంచి ప్రేక్షకాదరణ పొందిన విషయం తెలిసిందే. ఈ మధ్యనే ‘శకుని’ సినిమా కూడా టాలీవుడ్ లో మంచి వసూళ్లనే సాధించింది. ఇక తమిళంలోనైనా కార్తీ కి ఉన్న క్రేజ్ గురించి చెప్పనక్కర్లేదు. ఇప్పుడు ఆయన విక్రమ్ ... సూర్య ... విజయ్ వంటి వారికి గట్టి పోటీ ఇస్తున్నట్టు తెలుస్తోంది. ఇటీవల ఓ నిర్మాత కార్తి డేట్స్ ఇస్తే 13 కోట్లు పారితోషికంగా ఇవ్వడానికి సిద్ధపడినట్టుగా కోలీవుడ్లో జోరుగా ప్రచారం జరుగుతోంది.

దాంతో అతనికున్న మార్కెట్ రేంజ్ చూసి అగ్ర కథానాయకులు సైతం ఆశ్చర్యపోతున్నారని చెప్పుకుంటున్నారు. ప్రస్తుతం ఇతని చేతిలో రెండు మూడు సినిమాలతో బిజీగా ఉన్నాడు. ఇతని కాల్షీట్ల కోసం దర్శకులు వేయింగ్ లిస్టులో ఉన్నారంటే... దీనిని బట్టి రానున్న రోజుల్లో తమిళం నెంబర్ వన్ స్థానాన్ని కైవసం చేసుకున్నా ఆశ్చర్యపోక్కర్లేదంటున్నారు తమిళ సినిమా విశ్లేషకులు.