Posted: 07/17/2012 05:16 PM IST

  ప్రముఖ నటుడు కమల్ హాసన్ నటనకే కాదు, అతని వ్యక్తిత్వమే చాలా ప్రత్యేకం. కొత్తదనం తన సినిమాల్లో కనిపించాలని పరితపించే కమల్ ఇప్పటివరకూ చేసిన అన్ని సినిమాల్లోనూ విభిన్నత చూపించారు. కొన్ని సినిమాలు బ్లాక్ బస్టర్స్ అయితే, కొన్ని కారణాల రిత్యా మరికొన్ని బాక్సాఫీస్ వద్ద చతికిల బడ్డాయి. అయితే నేమి.. అతని నటనలోని ప్రాముఖ్యత ఎవర్ గ్రీన్ గానే ఉంటుంది ఇందుకు తాజా ఉదాహరణ గురించి చెప్పాలంటే.. ‘ఇన్ గ్లోరియస్ బాస్టర్డ్స్’, ‘కిల్ బిల్’ మరియు ‘పల్ప్ ఫిక్షన్’ లాంటి చిత్రాలను తీసిన ప్రముఖ హాలీవుడ్ ఫిల్మ్ మేకర్ క్వెంటిన్ టరంటినో. ఈ ప్రముఖ హాలీవుడ్ డైరెక్టర్  మన కమల్ హాసన్ చాలా డిఫెరెంట్ గా నటించిన ‘అభయ్’ సినిమాలోని కొన్ని సన్నివేశాలను స్పూర్తిగా తీసుకొని తన చిత్రంలో వాడుకున్నారు.
       అంతేకాదు ఈ సన్నివేశాలకు హాలీవుడ్లో మంచి ప్రశంశలు వచ్చాయి. ‘అభయ్’ చిత్రం లోని కొన్ని సన్నివేశాలను క్వెంటిన్ టరంటినో తను తీసిన ‘కిల్ బిల్’ చిత్రంలో ఉపయోగించారు మరియు ఆ చిత్రం హాలీవుడ్ బాక్స్ ఆఫీసు దగ్గర కాసుల వర్షం కురిపించింది కానీ అప్పట్లో ‘అభయ్’ చిత్రం మాత్రం కేవలం ఒక విప్లవాత్మక సినిమాగా మాత్రమే నిలిచిపోయింది. ఇటీవలే ఈ విషయం గురించి మన హిందీ దర్శకుడు అనురాగ్ కశ్యప్, క్వెంటిన్ టరంటినోని అడిగినప్పుడు అది నిజమే అని ఆయన ద్రువీకరించాడు.  దీనిపై కమల్ తన చిత్రాన్ని హాలీవుడ్ వాళ్లు ఉపయోగించుకోవడం చాలా ఆనందంగా ఉందంటున్నాడు. అంతేకాదు.. క్వెంటిన్ టరంటినో సినిమాల్లో సాంకేతిక విలువలు చాలా ఉన్నతంగా ఉంటాయనికూడా కితాబిచ్చాడు కమల్..అదీ.. కమల్ హాసన్ అంటే... ఏమంటారు..

...avnk