Posted: 07/16/2012 07:26 PM IST

      విశాఖలో సినీ తారల క్రికెట్‌ కోలాహలంగా జరిగింది. వైఎస్‌ఆర్‌ స్టేడియంలో ఇవాళ జరిగిన టాలీవుడ్‌ క్రికెట్‌ మ్యాచ్‌కు తారలంతా కదిలి వచ్చారు. శ్రీకాంత్‌, తరుణ్‌, అల్లరి నరేష్‌, శర్వానంద్‌, నాని, శివాజీరాజా తదితరుల రాకతో విశాఖ ప్రజల్లో సందడి వాతావరణం నెలకొంది. స్టార్‌ టీముల్లో ఒకదానికి శ్రీకాంత్‌ కెప్టెన్‌ వ్యవహరించాడు. మరో జట్టుకు తరుణ్‌ నాయకత్వం వహించాడు. విశాఖలోని వైఎస్‌ఆర్‌ స్టేడియంలో జరగిన ఈ  స్టార్‌వార్‌ వీక్షకులకు కనుల విందు చేసింది. ఓ మంచి ఉద్దేశంతో నిర్వహిస్తున్న ఈ ఛారిటీ మ్యాచ్‌ను తమ అభిమానులు, క్రికెట్‌ ప్రేమికులు ఆదరించటం పట్ల నటీనటులు తమ ఆనందాన్ని వ్యక్తం చేశారు.

...avnk