Posted: 07/15/2012 03:01 PM IST

      ప్రముఖ హాలీవుడ్ నటుడు సిల్వస్టర్ స్టాలోన్ కుమారుడు సేజ్ మూన్ బ్లడ్ స్టాలోన్ అనుమానాస్పద రీతిలో మృతిచెందాడు. 36ఏళ్ల సేజ్ అమెరికాలోని లాస్ ఏంజెలిస్ లో ఉన్న అపార్ట్ మెంట్ లో మృతదేహమై కనిపించాడు. మరణానికి పూర్తి కారణాలు తెలియాల్సి ఉందని అధికారులు తెలిపారు. అయితే వైద్యులు సూచించిన మాత్రలు ఎక్కువ మోతాదులో తీసుకోవడం వల్లే ఆయన చనిపోయి ఉండొచ్చన్న అనుమానాలు వ్యక్తమవుతున్నాయి. కొడుకు ఆకస్మిక మరణంతో సిల్వెస్టర్ స్టాలోన్ విషాదంలో మునిగిపోయారు. సేజ్ త్వరలోనే వివాహం చేసుకోవాలన్న యోచనలో ఉన్నారని, ఇంతలోనే ఘోరం జరిగిపోయిందని విలపించారు. నటుడు, రచయిత, డెరైక్టర్ అయిన సేజ్ తన తండ్రితో కలిసి రెండు సినిమాల్లో నటించారు. 1990ల్లో ‘రాకీ 5’తో తెరంగేట్రం చేశారు. ‘డే లైట్’చిత్రంలో తండ్రి సిల్వెస్టర్ తో కలిసి సేజ్ తెరపై కనిపించారు.

...avnk