Posted: 07/12/2012 07:05 PM IST

       క్రేజీ హీరోయిన్ సమంత టాలీవుడ్ గోల్డెన్ యాక్ట్రస్ గా పేరుతెచ్చుకున్నారు. ఇటీవలే విడుదలైన “ఈగ” చిత్రం ఘన విజయం సాధించడంతో ప్రస్తుతం సమంత హ్యాపీగా ఉంది. అనారోగ్యం వల్ల గత కొంత కాలంగా సినిమా షూటింగ్ లకు దూరంగా ఉన్న ఈ భామ ఈ నెల 20 నుంచి చిత్రీకరణలో పాల్గొననుంది. జూలై 20 నుంచి ప్రారంభమయ్యే ‘ఆటోనగర్ సూర్య’ టాకీ పార్ట్ చివరి 3 రోజుల చిత్రీకరణలో పాల్గొంటానని సమంత ఇవాళ ట్విట్టర్లో పేర్కొన్నారు. ప్రస్తుతం మహేష్ బాబు, రామ్ చరణ్, నాగ చైతన్య, సిద్దార్థ్ మరియు నానిలు హీరోలుగా తెరకెక్కుతున్న క్రేజీ చిత్రాల్లో సమంతా నటిస్తోంది. అయితే ఈ భామ మూడు సంవర్సారాల్లో సినిమాలకు స్వస్తి చెప్తానని ట్విట్టర్లో తన ఫాలోయర్స్ అడిగిన ప్రశ్నకు సమాధాన మిచ్చి అందర్నీ ఆశ్చర్యానికి గురిచేసింది.  ఇది నిజమవ్వకూడదని సమంతా అభిమానులు కోరుకుంటున్నారు.

...avnk