Posted: 07/09/2012 08:39 PM IST

      గంగతో రాంబాబు సందడి మొదలైంది. ఈరోజు పవర్ స్టార్ పవన్ కళ్యాణ్, పూరీ జగన్నాథ్ కాంబీలో వస్తోన్న 'కెమెరామేన్ గంగతో రాంబాబు' చిత్రం షూటింగులో హీరో హీరోయిన్లతో పాటు ప్రముఖ నటుడు ప్రకాష్ రాజ్ జాయిన్ అయ్యాడు. ఇతర ప్రధాన నటీనటులతో ఆయన కాంబినేషన్ సన్నివేశాలను దర్శకుడు పూరీ జగన్నాథ్ చిత్రీకరిస్తున్నాడు. పవన్ కల్యాణ్, తమన్నా కూడా ఈ షూటింగులో చకచకా పాల్గొంటున్నారు.       ఇదిలా ఉంచితే, నిన్నటి వరకు ప్రకాష్ రాజ్ బ్యాంకాక్ లో షూటింగు చేశాడు. రామ్ చరణ్ కథానాయకుడుగా నటిస్తున్న హిందీ చిత్రం 'జంజీర్' షూటింగులో ఆయన వారం రోజుల పాటు అక్కడ పాల్గొన్నాడు. తెలుగు, తమిళ, హిందీ చిత్రాలలో నటించడంతో బాటు, ప్రకాష్ రాజ్ ప్రస్తుతం అల్లు శిరీష్ హీరోగా 'గౌరవం' చిత్రాన్ని నిర్మిస్తున్న సంగతి మనకు తెలిసిందే. ఇలా క్షణం తీరికలేకుండా జాతీయ ఉత్తమనటుడు ముందుకు సాగుతున్నాడు.

...avnk