Posted: 06/28/2012 03:37 PM IST

     ఔనా... సూపర్ స్టార్ మహేష్ బాబు సినిమాలో స్టైలిష్ స్టార్ నటిస్తున్నాడా అనేది అందరికీ ఆశ్చర్యం కలిగించేదే. అవును.. మహేష్ సినిమాలో అల్లు అర్జున్ (బన్నీ) డాన్స్ చేయబోతున్నాడు. ఇటీవల కాలంలో  టాలీవుడ్ లో మల్టీ స్టారర్ చిత్రాల హవా మొదలైంది. అంతే కాకుండా కుర్ర హీరోలంతా ఒకరికొకరు ఎంతో కోపరేటివ్ గా వుంటున్నారు. ఒకరి సినిమాలో ఒకరు గెస్ట్ గా కనిపించడం ... ఒకరి సినిమాలకి మరొకరు వాయిస్ ఓవర్ ఇవ్వడం చేస్తూ తమ సఖ్యతని చాటుతున్నారు.  ఈ నేపథ్యంలోనే మహేష్ బాబు సినిమాలో బన్నీ స్టెప్పులు వేయనున్నట్టు ప్రచారం జరుగుతోంది.
    ఈ తాజా మహేష్ బాబు సినిమాకి సుకుమార్ దర్శకత్వం వహిస్తోన్న సంగతి తెలిసిందే. సుకుమార్ తో బన్నీకి మంచి సాన్నిహిత్యం ఉంది. ఈ చనువు కారణంగానే అతను బన్నీ ని సంప్రదించినట్టు చెబుతున్నారు. బన్నీ ఓకే అంటే బాలీవుడ్ కి చెందిన ఓ ప్రముఖ తారతో జోడీ కట్టించి, అదిరిపోయే స్థాయిలో ఓ పాటని చిత్రీకరించడానికి ప్లాన్ చేశారని అంటున్నారు.
     వేదం సినిమాలో మంచు మనోజ్ తో కలిసి నటించిన బన్నీ తప్పనిసరిగా ఇందుకు అంగీకరిస్తాడనీ ... ఓ కొత్త ప్రయోగానికి నాంది పలుకుతాడని సన్నిహితులు చెబుతున్నారు. ఇది తెలుగు చిత్ర పరిశ్రమలో ఆరోగ్యకర పరిణామమేకదా.....ఏమంటారూ....

...avnk