Posted: 06/23/2012 01:45 PM IST

ఒకవైపు అల్లు శిరిష్ తమిళంలో హీరోగా కెరీర్ ప్రారంభించే ప్రయత్నంలో ఉండగా, అల్లు అర్జున్ కూడా ఒక ద్విభాష సినిమాతో తమిళ తెరను దున్నేయాలని ప్రయత్నాలు మొదలుపెట్టాడు. ఇప్పటికే మళయాళంలో చెప్పుకోదగ్గ మార్కెట్ సంపాదించి ఇతడు ఇప్పుడు తమిళంలో కూడా సత్తాచాటాని అనుకొంటున్నాడు. ఈ మేరకు ఒక తమిళ దర్శకుడిని ఆశ్రయించి, తనకు రెండు భాషలకు సూటయ్యే ఒక సినిమాను చేసిపెట్టమని కోరుతున్నాడు. తమిళంలో ఇటీవల ఒక సూపర్ హిట్ సినిమాను చేసిన రాజేష్ అనే దర్శకుడిపై అల్లు అర్జున్ గురి కుదిరింది. ఇతడితో ఒక ద్విభాషా సినిమా చేయాలని అల్లు ప్లాన్ లో ఉన్నాడు. ఇదే విషయాన్ని ఆ దర్శకుడి వద్ద ప్రస్తావించగా, అతడు కూడా సమ్మతించినట్లు తెలిసింది. తమిళ, తెలుగు ప్రేక్షకులిద్దిరకీ నచ్చేలా ఒక కథను తయారు చేస్తానని అతడు హమీ ఇచ్చాడు. ఇలా అల్లు అర్జున్ ద్విభాష చిత్రం పట్టాలెక్కే అవకాశం కనిపిస్తోంది.