Posted: 06/15/2012 07:01 PM IST

     బాలీవుడ్ అందాల భామ విద్యాబాలన్ అంటేనే విభిన్నమైన చిత్రాలు ... విశిష్టమైన పాత్రలు అని చెప్పవచ్చు. 'ది డర్టీ పిక్చర్' ... 'కహానీ' చిత్రాలు ఇదే విషయాన్ని మరో సారి నిరూపించాయి. తాజాగా అందిన సమాచారం ప్రకారం ఆమె 'షాదీకీ సైడ్ ఎఫ్ఫెక్ట్స్' అనే మరో విభిన్నమైన చిత్రంలో నటించనున్నట్టు తెలుస్తోంది. గతంలో వచ్చిన 'ప్యార్ కీ సైడ్ ఎఫ్ఫెక్ట్స్' చిత్రానికి ఈ సినిమా సీక్వెల్ గా వస్తోంది. పెళ్లి తరువాత జీవితంలో చోటుచేసుకునే పరిస్థితులను ఈ సినిమాలో వినోదాత్మకంగా ఆవిష్కరించనున్నారు. భారీ బడ్జెట్ తో తెరకెక్కుతోన్న ఈ సినిమాలో ఢిల్లీ గాళ్ గా విద్యాబాలన్, బోంబే బాయ్ గా ఫరాన్ అక్తర్ కనిపించనున్నారు. రొమాంటిక్ కామెడీ ఎంటర్ టైనర్ గా రూపొందుతోన్నఈ సినిమాని, సాకేత్ చౌదరి దర్శకత్వంలో ప్రీతీష్ నంది నిర్మిస్తున్నారు.
     ఇదిలా ఉండగా,  గత కొంతకాలంగా బాలీవుడ్ లో సన్నీ లియోన్ పేరు మారుమోగిపోతోంది. పోర్న్ సినిమాలలో నటించి పేరు తెచ్చుకున్న ఈ అమెరికన్ సెక్సీ బ్యూటీ తొలిసారిగా 'జిస్మ్' సీక్వెల్ లో నటిస్తోంది. ఇప్పుడీ అందాన్ని తెలుగు ప్రేక్షకులు కూడా త్వరలో వీక్షించనున్నారు. పూజా భట్ దర్శకత్వంలో రూపొందుతున్న 'జిస్మ్ -2' చిత్రాన్ని దక్షిణాది భాషల్లోకి డబ్ చేస్తున్నారు. ఆ విధంగా తెలుగులోకి కూడా ఈ సినిమా వస్తోంది. వచ్చే నెల 27 న ఈ చిత్రాన్ని అన్ని భాషల్లోనూ ఒకేసారి విడుదల చేయడానికి సన్నాహాలు చేస్తున్నారు. ఇప్పటికే మన హీరోలు కొంతమంది ఈ సెక్సీతార సన్నీ లియోన్ మీద మనసు పారేసుకున్నారు. తమ సినిమాలలో స్పెషల్ సాంగులు చేయించే ప్రయత్నాలు కూడా చేస్తున్నారు.

..avnk