Posted: 06/13/2012 07:15 PM IST

     అందాల తార అనుష్క ఇప్పుడు ఓ కొత్త స్టోరీ వినిపిస్తుందని తెలుస్తోంది.  సాధారణంగా ఒక సినిమా తీసే ముందు నిర్మాతని ఒప్పించడానికి దర్శకులు కథలు చెబుతుంటారు. కథానాయికలు మాత్రం తమకి ఇష్టం లేని సినిమాల నుంచి తప్పుకోవడానికి 'కతలు' చెబుతుంటారు. ఈ మధ్య ఇలాంటి కథలు చెబుతోన్న నాయికలు ఎక్కువైపోతున్నారు. రీసెంట్ గా బాలకృష్ణ కి సంబంధించిన సినిమా విషయంలోనూ అనుష్క ఇలాంటి కథే చెప్పినట్టు తెలుస్తోంది. బాలకృష్ణ హీరోగా సింగీతం శ్రీనివాసరావు దర్శకత్వంలో 'ఆదిత్య 999 'చిత్రాన్ని తెరకెక్కించనున్న సంగతి మనకు తెలిసిందే. గతంలో వచ్చిన 'ఆదిత్య 369 ' కి సీక్వెల్ గా రూపొందనున్న ఈ సినిమాలో అనుష్క  నటించనుందనే వార్తలు షికారు చేశాయి. ఈ కాంబినేషన్ పట్ల అభిమానులు కూడా ఆసక్తిని కనబరిచారు.
       అయితే తాజాగా అందిన సమాచారం ప్రకారం, డేట్స్ లేవనే సాకు చూపించి ఈ సినిమాకి అనుష్క 'నో' చెప్పినట్టు తెలుస్తోంది. ఈ మధ్య అగ్ర  కథానాయికలు ... ఏజ్ గ్యాప్ ఎక్కువగా ఉన్న కథానాయకులతో నటించడానికి అయిష్టతని కనబరుస్తున్నారు. అలానే ఫ్లాపులతో ఉన్న యంగ్ హీరోల సరసన చేయడానికి సైతం వాళ్లు ఆసక్తిని చూపడం లేదు. ఇక సునీల్ వంటి కామెడీ హీరోలకి సైతం ఇలాంటి సమస్యలు తప్పడంలేదు.

...avnk