Posted: 06/13/2012 07:03 PM IST

      ప్రియమణి ఆశలు అడియాశలై అందినట్టే అంది జారిపోయాయ్. ఇప్పుడంతా ఇదే మాట అంటున్నారు. ప్రియమణి పట్ల సానుభూతి కూడా చూపిస్తున్నారు. ఆమె దురదృష్టానికి చింతిస్తున్నారు. ఇంతకీ అసలు విషయం ఏమిటంటే, ఇటీవల ఈ అమ్మడికి సంజయ్ దత్ హీరోగా నటించే బాలీవుడ్ సినిమాలో కథానాయికగా ఆఫర్ వచ్చింది. ఆమధ్య తెలుగులో వచ్చిన 'లక్ష్మీనరసింహా' చిత్రానికి ఇది రీమేక్. దాంతో, ప్రియ ఆనందమేఘాల మీద తేలిపోయింది. ఇక బాలీవుడ్ లో తన దశ తిరిగిపోయినట్టేననీ, ఇక అక్కడికి షిఫ్ట్ అయిపోవచ్చనీ కలలు కంది. అయితే, ఆ ఆనందం కాస్సేపే ఉండడంతో ఇప్పుడు తను డీలాపడిపోయింది. ఆ సినిమా నుంచి తాజాగా ప్రియమణిని తప్పించి, ప్రాచీ దేశాయ్ (రాక్ ఆన్ ఫేం) అనే బాలీవుడ్ నటికి అవకాశం ఇచ్చారు. ప్రియమణిని సంజయ్ దత్ రికమెండ్ చేసినప్పటికీ, దర్శక నిర్మాతలు మాత్రం బాలీవుడ్ నటికే ఓటేయడంతో ఆ ఆఫర్ అలా జారిపోయిందని తెలుస్తోంది. జరిగేవన్నీ మనమంచికే అని ప్రియ సర్దుకుపోవాలి అంతేకదా...

..avnk