Posted: 06/12/2012 04:53 PM IST

      ఎక్కువశాతం పాలిటిక్స్ మీద యంగ్ టైగర్ నజర్ ఉన్నట్టు అనిపిస్తోంది. ఎన్టీఆర్ కూడా తన పంథా మార్చుకుని సినిమాల్లో పొలిటికల్ సెటైర్లకు సిద్ధమంటున్నాడు. ఎన్టీఆర్, హరీష్ శంకర్ కాంబినేషన్లో రూపొందనున్న 'ఎంఎల్ఎ' అనే చిత్రంలో పవర్ ఫుల్ పోలిటికల్ సెటర్లు ఉండేలా ప్లాన్ చేస్తున్నారని తెలుస్తోంది. ఈ సినిమాను స్టార్ ప్రొడ్యూసర్ దిల్ రాజు నిర్మిస్తున్నాడు. 'ఎంఎల్ఎ' అంటే మంచి లక్షణాలు ఉన్న అబ్బాయి అని చెబుతున్నారు. గతంలో యాక్షన్ సినిమాలు చేసి ఆ తర్వాత కామెడీ, క్లాస్ సినిమాలు చేసిన ఎన్టీఆర్ ఇప్పుడు పొలిటికల్ సెటైర్ కి వెళ్ళడం హాట్ టాపిక్ గా మారుతోంది. అలాగే పెద్ద ఎన్టీఆర్ ని గాడ్ ఫాదర్ గా చెప్పే రాజేంద్రప్రసాద్ ఈ సినిమాలో జూనియర్ కి తండ్రిగా చేయబోతున్నారని టాక్ వినిపిస్తోంది. ప్రస్తుతం కథా చర్చలు జరుపుకుంటున్న ఈ సినిమా మరి కొద్ది రోజుల్లోనే ప్రారంభం కానుందని అంటున్నారు. గబ్బర్ సింగ్ తో సూపర్ హిట్ కొట్టిన హరీష్ శంకర్ ఈ చిత్రాన్ని సైతం పెద్ద హిట్ చేసేందుకు సన్నాహాలు చేసుకుంటున్నాడు. ఇంతకుముందరి యంగ్ టైగర్ మూవీ దమ్ము లోనూ పొలిటికల్ డైలాగ్స్ అందరిలోనూ ఆశక్తిని ఆశ్యర్యాన్ని రేకెత్తించాయి. కొందరైతే దమ్ము సినిమా టైటిల్ రూలర్ అని పెట్టేస్తే పోయేదంటూ విశ్లేషణలు కూడా చేశారు. మళ్లీ ఇదే రీతిలో ఎన్టీఆర్ ముందుకొస్తున్నాడంటే.. చాలా అనుమానాలే రేగుతున్నాయి మరి.

..avnk