Posted: 06/08/2012 02:59 PM IST

పవన్ కల్యాణ్ నటించిన 'గబ్బర్ సింగ్' చిత్రం అనూహ్యవిజయాన్ని సాధించి, ఎడతెగని ప్రేక్షకాదరణతో ముందుకు దూసుకుపోతోంది. టాలీవుడ్ నే కాకుండా బాలీవుడ్ మార్కెట్ వర్గాలను కూడా ఈ చిత్రం వసూళ్లు నివ్వెరపరుస్తున్నాయి. ఈ చిత్రం ఈ నెల 29 కి 50 రోజుల ప్రదర్శన పూర్తి చేసుకుంటోంది. ఆ సందర్భంగా అభిమానులతో బాటు నిర్మాత, ఆయా దియేటర్ల యజమానులు వేడుకలను నిర్వహించడానికి ఏర్పాట్లు చేసుకుంటున్నారు.

ఈ నేపథ్యంలో విశాఖపట్నంలో ఈ సినిమా అర్ధ శతదినోత్సవాన్ని అంగరంగ వైభవంగా నిర్వహించడానికి ప్లాన్ చేస్తున్నారు. విశాఖలోని ప్రముఖ దర్శకుడు వీవీ వినాయక్ సొంత దియేటర్ V MAX మల్టీప్లెక్స్ లో ఈ ఉత్సవం జరుగుతుంది. ఆ వేడుకకు హీరో పవన్ కల్యాణ్ ని కూడా తీసుకురావడానికి దర్శక నిర్మాతలు ప్రయత్నాలు చేస్తున్నారు. పూర్తి వివరాలు త్వరలో తెలుస్తాయి.