Posted: 06/04/2012 04:40 PM IST

      పవర్ స్టార్ పెళ్లి దగ్గర పడుతుండటంతో కొత్త కొత్త సంగతులు వెలుగుచూస్తున్నాయి. ఇంతకాలం వరుస షూటింగ్స్ తో బిజీ బిజీగా గడిపిన రామ్ చరణ్ లో ఇప్పుడు పెళ్లికళ స్పష్టంగా కనపడుతోంది. షూటింగులన్నీ బంద్ చేసుకుని ప్రస్తుతం తను పెళ్లి పనుల్లో, పెళ్లి పిలుపులలో బిజీగా వున్నాడు. మరోపక్క షాపింగు కూడా చేస్తున్నాడు. ఈ నెల 14 న చరణ్, ఉపాసనల వివాహం జరుగుతుండగా, 11 న సంగీత్ కార్యక్రమం ఏర్పాటు చేశారు. సంగీత్ ను మాంచి ఉల్లాస, ఉత్సాహభరిత వాతావరణంలో నిర్వహించడానికి సన్నాహాలు చేస్తున్నారు.  ఈ కార్యక్రమంలో అల్లు అర్జున్, శ్రియా, తమన్నా వంటి తారలు పలు హిట్ నంబర్స్ కు డ్యాన్స్ చేయనున్నట్టు విశ్వసనీయ వర్గాల సమాచారం. అలాగే, 'బంటీ ఔర్ బబ్లీ' చిత్రంలోని 'కజరారే...' డ్యాన్స్ నెంబర్ను హాస్యనటుడు అలీ తనదైన శైలిలో పెర్ఫారం చేస్తాడట. ఇందుకు సంబంధించిన రిహార్సల్స్ కూడా జరుగుతున్నాయని అంటున్నారు. అంగరంగ వైభవంగా జరుగనున్న ఈ వివాహం హైదరాబాదు నగరంలోనే కాదు దేశంలోనే ఒక భారీ వివాహ వేడుకగా నిలిచిపోతుందని పరిశీలకులు భావిస్తున్నారు. అటు మెగాస్టార్ చిరంజీవి సైతం ఉపఎన్నికల ప్రచారంలో తీరిక లేకుండా ఉన్నప్పటికీ వీలు చిక్కినప్పుడల్లా పెళ్లి పనులను ఆరా తీస్తున్నట్టు తెలుస్తోంది.

...avnk