Posted: 05/31/2012 07:27 PM IST

      త్వరలోనే పెళ్లికొడుకు కాబోతోన్న మెగాపవర్ స్టార్ రామ్ చరణ్ పెళ్లి పనుల్లో పడ్డట్టు తెలుస్తోంది.  జూన్ 14 న రామ్ చరణ్ - ఉపాసనల వివాహం జరుగుతున్న సంగతి అందరికీ తెలిసిందే. ఈ నేపథ్యంలో నిన్నటి వరకూ షూటింగులలో బిజీగా ఉన్న  చరణ్, ఈ రోజు నుంచి బ్రేక్ తీసుకుంటున్నట్టు ప్రకటించాడు.  ప్రస్తుతం చరణ్ హిందీలో 'జంజీర్' ... తెలుగులో వంశీ పైడిపల్లి దర్శకత్వంలో  'ఎవడు' ... వినాయక్ దర్శకత్వంలో 'చెర్రీ' చిత్రాల్లో నటిస్తున్నారు. పెళ్ళికి ముందు తనకి సంబంధించిన కొన్ని ముఖ్యమైన పనులు చూసుకునేందుకు ఆయన ఇంత ముందుగా బ్రేక్ తీసుకున్నారు. తిరిగి  తమ హనీమూన్ ట్రిప్  పూర్తి అయిన తరువాతే తను షూటింగులో పాల్గొననున్నట్టు చెప్పారు. అంగరంగ వైభవంగా జరగనున్న ఈ వేడుకకి సినీ ... రాజకీయ ... వ్యాపార ప్రముఖులు హాజరుకానున్నారు. తమ అభిమాన హీరో చరణ్ వివాహ వేడుకని టీవీ చానల్స్ లో వీక్షించేందుకు మెగా అభిమానులతోపాటు రాష్ట్ర ప్రజలంతా వేయికళ్లతో ఎదురుచూస్తున్నారు.

...avnk