Posted: 05/23/2012 05:01 PM IST

అందాల చిన్నది సమంతా అప్పుడే చీకూ చింతా లేని జీవితానికి సూత్రాలు చెబుతోంది.  సమంతా ఇప్పుడు డబ్బు ఎలా వాడుకోవాలో అనేదాని మీద లెక్చర్లు దంచుతోందీ చెన్నయ్ సుందరి.  సంపాదించిన డబ్బును ఎలా దాచుకోవాలి? అన్న విషయంపై సుదీర్గంగా  మాట్లాడేస్తోంది. ఈ విషయంలో తనకి తల్లి సలహాలు ఇస్తుందట. డబ్బు సంపాదించడం కాదు... దానిని ఎలా పొదుపు చేసుకోవాలన్నదే ప్రధానమని తల్లి ఎప్పుడూ చెబుతుంటుందట. 'గతంలో స్టార్లుగా వెలిగిన ఎంతో మంది తారలు తమ జీవిత చరమాంకంలో దుర్భర పరిస్థితుల్ని ఎదుర్కున్నారు. వాళ్ల గురించి నాకు చాలా మంది చెప్పారు. వీరి జీవితాలను చూసి ఈవేళ మా తరం నటీనటులం ఎంతో నేర్చుకుంటున్నాం. నా వరకు నేను డబ్బును వృధా చేయను. మంచి పథకాలలో ఇన్వెస్ట్ చేస్తుంటాను. భవిష్యత్తులో డబ్బు గురించి చీకూ చింతా లేకుండా జీవితం గడపాలంటే ఇలాంటి జాగ్రత్తలు తీసుకోవాల్సిందే' అంటోంది సమంతా. మొత్తానికి మనీ మేటర్స్ బాగానే డీల్ చేస్తోందన్న మాట. మంచిదేమరి.

...avnk