Posted: 05/21/2012 05:38 PM IST

       మెగా పవర్ స్టార్ రామ్ చరణ్ మాంచి జోరుమీదున్నాడు.  ఓపక్క హైదరాబాదులో తన వివాహానికి ఘనమైన ఏర్పాట్లు ముమ్మరంగా జరుగుతుంటే... మరోపక్క రామ్ చరణ్ ప్రస్తుతం దుబాయ్ లో ఆటాపాటల్లో మునిగి తేలుతున్నాడు. అయితే, ఇది సినిమా షూటింగు కోసమే. అవును... వీవీ వినాయక్ దర్శకత్వంలో రూపొందుతున్న చిత్రం కోసం ప్రస్తుతం దుబాయ్ లో ఓ ఆధునాతన పబ్ లో చరణ్ పై ఓ గీతాన్ని షూట్ చేస్తున్నారు. డ్యాన్స్ మాస్టర్ జానీ నృత్యాలు కంపోజ్ చేస్తున్న ఈ పాటను ఐదు రోజుల పాటు అక్కడ చిత్రీకరిస్తారు. అనంతరం చిత్రం యూనిట్ యూరప్ కి షిఫ్ట్ అవుతుంది. అక్కడి పలు లొకేషన్లలో ముఖ్య సన్నివేశాలను చిత్రీకరించడానికి ప్లాన్ చేస్తున్నారు. ఇటు క్లాస్ నీ, అటు మాస్ నీ అలరించేలా ఈ చిత్రాన్ని తీర్చిదిద్దుతున్నామని చిత్ర నిర్మాత డీవీవీ దానయ్య చెబుతున్నారు. చరణ్ సరసన కాజల్ అగర్వాల్, అమలాపాల్ హీరోయిన్లుగా నటిస్తున్న ఈ చిత్రానికి తమన్ సంగీతాన్ని సమకూరుస్తున్నాడు. ఎంతటి వ్యయప్రయాసలకైనా ఓర్చి చిత్రాన్ని అద్భుతంగా రూపొందించాలని దర్శక, నిర్మాతలు భావిస్తున్నారు.

...avnk