Posted: 05/10/2012 02:04 PM IST

       'ప్రేమకావాలి', 'లవ్ లీ' చిత్రాలతో తన కంటూ ఓ ఇమేజ్ ని సంపాదించుకున్న ఆది, మరోసారి రొమాంటిక్ హీరోగా 'సుకుమారుడు' గా దర్శనమివ్వనున్నాడు. ఈ సినిమా షూటింగు ఈ నెల 24 న హైదరాబాదులో ప్రారంభం కానుంది. 'ఏమైంది ఈవేళ' ... 'సోలో' చిత్రాలకి తన గ్లామర్ ని అద్దిన నిషా అగర్వాల్ ఈ సినిమాలో ఆది జోడీగా కనిపించనుంది. 'పిల్ల జమీందార్' సినిమాతో దర్శకుడిగా పరిచయమైన అశోక్, చిన్న సినిమా తీసి పెద్ద విజయాన్ని సాధించాడంటూ ప్రసంశలు అందుకున్నాడు. ఆది నటించిన రెండు సినిమాలను మ్యూజికల్ హిట్స్ గా నిలబెట్టిన  అనూప్ రూబెన్స్, ఈ సినిమాకి కూడా స్వరాలను అందించడం మరో ప్రధాన ఆకర్షణ. మొదట్లో ఈ సినిమాని సిద్ధార్థ్ తో అనుకున్న అశోక్, ఆ తరువాత ఆది సక్సెస్ రేటు చూసి తన నిర్ణయాన్ని మార్చుకున్నట్టు సమాచారం.

...avnk