Posted: 05/10/2012 12:19 PM IST

       అందాలతార స్నేహ తను మనసిచ్చిన ప్రసన్నజీవితంలోకి ఈ నెల 11 న అడుగుపెట్టబోతోంది. చెన్నైలోని శ్రీవారి వేంకటాచలపతి కళ్యాణ మంటపంలో వీరి వివాహం అంగరంగ వైభవంగా జరగనుంది. ఉదయం 9 గంటలకి ప్రారంభమయ్యే ఈ వివాహ వేడుకని ప్రత్యక్ష ప్రసారం (లైవ్ టెలీకాస్ట్) చేయాలని ప్రముఖ తమిళ టీవీ చానల్ ప్రసారం చేయాలని నిర్ణయించింది.  ఈ విషయమై స్నేహాని సంప్రదించి, భారీ మొత్తంలో టెలీకాస్ట్ రైట్స్ ని సొంతం చేసుకున్నట్టు తెలుస్తోంది. స్నేహకి తెలుగు - తమిళ భాషల్లోనే కాకుండా, మలయాళ - కన్నడ లో కూడా అభిమానులు ఎక్కువగా వున్నారు. ఈ కారణంగానే తమ టీఆర్పీ రేటు పెరుగుతుందని ఆశించిన విజయ్ టీవీ, రేటు విషయంలో వెనకాడకుండా రైట్స్ తీసుకున్నట్టు చెప్పుకుంటున్నారు. మొత్తానికి దక్షిణాదిన ఓ సరికొత్త సంప్రదాయానికి స్నేహ తెరతీసింది.  అందరూ అనుకుంటున్నారు. ఇక ఇటు స్నేహ (నాయుడు) ... అటు ప్రసన్నల (బ్రాహ్మణ) సంప్రదాయాల ప్రకారం నాలుగు రోజుల పాటు ఈ వివాహ వేడుక జరగనుంది.

...avnk