Posted: 05/07/2012 08:44 PM IST

       శ్రీ దుర్గా ఆర్ట్స్ బ్యానర్ మీద ఎన్నో విజయవంతమైన సినిమాలు నిర్మించి, విజయాలను అందుకున్న అభిరుచి గల నిర్మాత కె.ఎల్. నారాయణ.  'క్షణక్షణం' తో 1990 లో మిత్రుడు యస్.గోపాలరెడ్డితో కలిసి, సినీ నిర్మాణరంగంలో అడుగుపెట్టిన ఆయన, ఆ తరువాత 'హలో బ్రదర్' ... 'ఇంట్లో ఇల్లాలు వంటింట్లో ప్రియురాలు' ... 'దొంగాట' ... 'సంతోషం' ... 'రాఖీ' వంటి భారీ చిత్రాలను అందించారు. అయితే 'రాఖీ' సినిమా తరువాత కాస్త గ్యాప్ వచ్చింది. అయితే.. ఇకపై  తమ బ్యానర్ పై రెగ్యులర్ గా సినీ నిర్మాణం జరుగుతుందని నారాయణ తెలిపారు. రామ్ చరణ్ - బోయపాటి కాంబినేషన్లో ఓ సినిమా, మహేష్ బాబు - రాజమౌళి కాంబినేషన్లో ఓ సినిమాని ఈ ఏడాది చేయబోతున్నట్టు చెప్పారు. ఈ రెండు సినిమాల తరువాత ఎన్టీఆర్ తో ఓ సినిమా చేయడం జరుగుతుందని తెలిపారు. మొత్తానికి పెద్ద స్టార్స్ - స్టార్ డైరెక్టర్లతో సినిమాలకు ఈ బ్యానర్ తాజాగా తెరతీయటం ఫ్యాన్స్ కు అమితానందదాయకం.

...avnk