Posted: 04/23/2012 05:54 PM IST

               బాక్సాఫీస్ బోనంజా బాలయ్యబాబు మాంచి ఊపుమీదున్నాడు. ఇటీవల కాలంలో వరుసపెట్టి సినిమాల్లో నటించేస్తూ అభిమానులకు కనువిందు చేస్తున్నాడు. తాజాగా  గతంలో గోపీచంద్, అనుష్క హీరో హీరోయిన్లుగా 'లక్ష్యం' చిత్రాన్ని రూపొందించిన దర్శకుడు శ్రీవాస్, తన తదుపరి చిత్రాన్ని బాలయ్యతో త్వరలో ప్రారంభిస్తున్నాడు. దీనికి ప్రముఖ నటుడు బాలకృష్ణ కథానాయకుడుగా నటించడానికి అంగీకరించటం కూడా జరిగిపోయింది. బాలకృష్ణ ఇమేజ్ నీ, బాడీ లాంగ్వేజ్ నీ దృష్టిలో పెట్టుకుని శ్రీవాస్ రూపొందించిన సబ్జెక్ట్, బాలకృష్ణకు ఎంతగానో నచ్చిందనీ, వెంటనే ఈ ప్రాజక్టుకు ఆయన ఓకే చెప్పారనీ శ్రీవాస్ అంటున్నారు. ఇటీవల టాలీవుడ్ లో వరుస చిత్రాలు నిర్మిస్తూ వస్తున్న ప్రముఖ నిర్మాత బెల్లంకొండ సురేష్ ఈ చిత్ర నిర్మాణాన్ని చేబడుతున్నారని తెలుస్తోంది. ఈ చిత్రానికి సంబంధించిన అధికారిక ప్రకటన ఈ వారంలోనే రానుంది.
              కాగా, ప్రస్తుతం బాలకృష్ణ 'శ్రీమన్నారాయణ', 'ఊ కొడతారా ఉలిక్కిపడతారా' చిత్రాలలో నటిస్తున్న సంగతి మనకు తెలిసిందే! అధినాయకుడు సినిమా త్వరలోనే ప్రేక్షకుల ముందుకు వచ్చేందుకు నన్నాహాల్లో ఉంది.

....avnk