Posted: 04/23/2012 03:55 PM IST

               చెన్నయ్ చందమామ సమంతా నిజంగానే ఆకాశాన మెరిసిపోతోంది. సినిమాల్లో నటించేందుకు తన  పారితోషకాన్ని ఒక్కసారి అమాంతం పెంచేసింది. అయితే ఇది  ఓ ప్రత్యేక పరిస్థితిలో జరిగిందని సమాచారం.  ప్రముఖ నిర్మాత బెల్లంకొండ సురేష్ తన కుమారుడిని వెండితెరకు పరిచయం చేయనున్నారు. ఈ చిత్రంలో సమంతను హీరోయిన్‌గా బుక్ చేసినట్టు తెలుస్తోంది. దీంతో ఈ చిత్రంలో హీరోయిన్‌గా ఒప్పించేందుకు సమంతకు కోటి రూపాయల పారితోషకం ఇస్తానని బెల్లకొండ సురేష్ ఆఫర్ చేసినట్టు సమాచారం. దీంతో సమంత పారితోషకం ఒక్కసారి రూ.80 లక్షల నుంచి కోటి రూపాయలకు పెరిగిపోయింది. కాగా, సమంత ఇప్పటికే టాలీవుడ్ అగ్రహీలందరితో నటిస్తూ యమ బిజీగా గడుపుతోంది. ఈ నేపథ్యంలో బెల్లకొండ సురేష్ నిర్మించే చిత్రంలో కూడా ఆమెను ఎంపిక చేశారు. ఈ చిత్రానికి ఓ ప్రముఖ దర్శకుడు దర్శకత్వం వహిస్తాడని వినికిడి.

...avnk