Posted: 04/13/2012 09:45 PM IST

              తన తాజా చిత్రం 'బిజినెస్ మేన్' సినిమాతో ప్రేక్షకులను ఉర్రూతలూగించిన మహేష్ బాబు, కాజల్ జంట మరో సందడికి సిద్ధమైపోతోంది. వీరిద్దరూ కలిసి ఓ పాట పాడుకోవడానికి తగ్గా అందమైన సెట్ వాతావరణాన్ని ప్రస్తుతం ఏర్పాటు చేస్తున్నారు. హైదరాబాదులోని అన్నపూర్ణా ఏడెకరాల లొకేషన్లో ప్రత్యేకమైన సెట్ ను వేస్తున్నారు. సుకుమార్ దర్శకత్వంలో 'దూకుడు' చిత్ర నిర్మాతలు నిర్మించే చిత్రం కోసం ఈ ఏర్పాట్లు జరుగుతున్నాయి.
               హీరో హీరోయిన్లపై పాట చిత్రీకరణతో ఈ సినిమా షూటింగును ఈ నెల 23 న ప్రారంభిస్తున్నారు. 14 రీల్స్ ఎంటర్ టైన్మెంట్ బ్యానర్ పై అనిల్ సుంకర, రామ్ ఆచంట, గోపీచంద్ ఆచంట నిర్మిస్తున్న ఈ చిత్రానికి దేవిశ్రీ ప్రసాద్ సంగీతం అందిస్తున్నాడు.
              వరుస విజయాలతో యమ జోరుగా ఉన్న ప్రిన్స్ మహేష్ మొత్తానికి ఈ సినిమాను కూడా సంచలన విజయం చేయాలని  ఆశతో ఉన్నారు. ఈ సినిమాలో ఇంతకు ముందెన్నడూ లేని విధంగా లెక్చరర్ పాత్రలో కాజల్ నటిస్తుంది. మొదటగా మహేష్ బాబు లెక్చరర్ గా నటించబోతున్నాడంటూ అంతా భావించారు. అయితే చివరికి సుకుమార్ కాజల్ ను టీచర్ ను చేశాడు.

...avnk