Posted: 04/06/2012 03:03 PM IST

            సమాజానికి తనవంతుగా ఏదోక మేలుచేయాలని తపించే దర్శకుడు కృష్ణవంశీ. ఈ స్రుజనాత్మక దర్శకుడికి నటీనటులను అపురూపంగా చూపించటంలో మరెవరూ సాటిరారు. అందుకే తెలుగు సినీ ఇండస్ట్రీకి వచ్చే ప్రతీ హీరో లేదా హీరోయిన్ ఆయనతో సినిమా చేయటం అంటే చాలా ఆశక్తి చూపిస్తారు. తాజాగా ఈ అవకాశాన్ని అందిపుచ్చుకున్న లక్కీ గాల్..లక్కీ శర్మ.
             'ఈగ' సినిమా తర్వాత యువ కథానాయకుడు నాని నటిస్తున్న తదుపరి చిత్రం కృష్ణవంశీ దర్శకత్వంలో తెరకెక్కుతోంది. ఏ ఆర్భాటం లేకుండా ప్రస్తుతం ఈ చిత్రం షూటింగు హైదరాబాదులో జరుగుతోంది. 'మిరపకాయ్' వంటి హిట్  చిత్రాన్ని నిర్మించిన ఎల్లోఫ్లవర్స్ అధినేత రమేష్ పుప్పాల ఈ మూవీని నిర్మిస్తున్నారు. ఈ చిత్రానికి 'పైసా' అనే టైటిల్ ఖరారు చేసినట్టు సమాచారం. ఇందులో సెకెండ్ హీరోయిన్ గా లక్కీ శర్మ నటించబోతోంది.  కేథరిన్ తెరిస్సా అనే మలయాళ భామని కూడా ఈ సినిమాకు  హీరోయిన్ గా కృష్ణవంశీ తీసుకున్నారు.
            లక్కీ  ప్రస్తుతం జేడీ చక్రవర్తి దర్శకత్వంలో శ్రీకాంత్ హీరోగా  రూపొందుతున్న 'ఆల్ ది బెస్ట్' చిత్రంలో కథానాయికగా నటిస్తుంది.

...avnk