Posted: 04/03/2012 04:30 PM IST

            దేశవ్యాప్తంగా సంచలనం రేకెత్తించిన కొలవెరి డి పాట కొంపముంచింది. ఈ సాంగ్ క్రేజితో చిత్రం మీద ఎన్నో ఆశలు పెట్టుకుని తెలుగు హక్కులు కొన్న నిర్మాత  పాలిట శాపంగా మారింది.   కొలవెరి పాటతో విడుదలకు ముందు '3 'సినిమాపై ప్రేక్షకుల అంచనాలు అనూహ్యంగా పెరిగిపోయాయి. ఓ రకంగా ఈ సినిమా బిజినెస్ ని ఈ పాట శాసించడమే కాకుండా, అనువాదపు హక్కులపై కూడా ఈ పాట తీవ్రమైన ప్రభావాన్ని చూపించింది.
            ఈ నేపధ్యంలో నిర్మాత నట్టి కుమార్ భారీ మొత్తాన్ని చెల్లించి, ఈ సినిమా అనువాదపు హక్కుల్ని దక్కించుకున్నాడు. అయితే ఈ సినిమా అంచనాలకి అందనంత దూరంలోనే చతికిలపడిపోవడంతో, నట్టి కుమార్ ఆర్ధికంగా నష్టపోవాల్సి వస్తోందని చిత్ర పరిశ్రమవర్గాల భోగట్టా. నిర్మాతగా నట్టి కుమార్ కి ఎంత అనుభవం ఉన్నప్పటికీ, ధనుష్ కి ఇక్కడ మార్కెట్ ఉందా? లేదా? అనే విషయాన్ని పరిగణలోకి తీసుకోకపోవటమే ఈ ఇబ్బందులకు కారణమంటున్నారు.

...avnk