Posted: 03/16/2012 12:34 PM IST

           స్టైలిష్ స్టార్ బన్నీ సినిమాలో ప్రిన్స్ మహేష్ మాటల తూటాలు పేలితే డబుల్ ధమాకాలా ఉంటుంది కదా.. అదే త్వరలో సాక్షాత్కరిచబోతోంది. ఇరు హీరోల అభిమానులకు ఇది ఆనందకరవార్తే.   త్రివిక్రమ్ శ్రీనివాస్ దర్శకత్వంలో ఇలియానా, అల్లు అర్జున్ హీరో హీరోయిన్లుగా ఓ సరికొత్త సినిమా రూపొందుతున్న విషయం విదితమే. ఈ సినిమాకి వాయిస్ ఓవర్ ని మహేష్ బాబు చెప్పబోతున్నట్టు తెలుస్తోంది. గతంలో పవన్ కళ్యాన్ తో త్రివిక్రమ్ చేసిన 'జల్సా' చిత్రానికి కూడా మహేష్ వాయిస్ ఓవర్ ఇచ్చిన సంగతి తెలిసిందే.
            ఈ సినిమాకి చెందిన మరో ఆసక్తి కరమైన వార్త ఏమిటంటే, ప్రస్తుతం  ప్రస్తుతం ఈ చిత్ర డబ్బింగ్ కార్యక్రమాలు శబ్దాలయ స్టుడియోలో జరుగుతున్నాయి. అల్లు అర్జున్ ఈ చిత్రంలో తన పాత్రకి డబ్బింగ్ చెబుతున్నాడు. ఈ చిత్రం కామెడీ ఎంటర్టైనర్ గా తెరకెక్కుతుంది. సోనూసూద్ కీలక పాత్రలో నటిస్తున్న ఈ సినిమాకి దేవి శ్రీ ప్రసాద్ సంగీతం అందిస్తున్నాడు. రాధాకృష్ణ నిర్మిస్తున్న ఈ చిత్రాన్ని జూన్లో విడుదల చేసేందుకు సన్నాహాలు చేస్తున్నారు

...avnk