Posted: 03/07/2012 07:24 PM IST

 

          యంగ్ టైగర్ నటిస్తున్న మాస్ యాక్షన్ ఎంటర్టైనర్ ‘దమ్ము’ విడుదలకు ముందే హల్ చల్ చేస్తోంది.  భారీ బిజినెస్ చేస్తూ ఇండస్ట్రీ  కలకలం రేపుతోంది. ఈ మూవీ సాటిలైట్ హక్కులు జీ తెలుగు సంస్థ 6 కోట్ల 60 లక్షల రూపాయలకు కొనుగోలు చేసినట్లు భోగట్ట.

           కాగా, ‘దమ్ము’ చిత్ర షూటింగ్ చివరి దశకు చేరుకుంది. ఇటీవలే ఈ చిత్రానికి సంభందించిన కీలక సన్నివేశాలు హైదరాబాదులోని ప్రసాద్ ల్యాబ్ లో చిత్రీకరించారు. ఈ షూటింగ్ లో ఎన్టీఆర్, త్రిషా ఇతర నటులపై చిత్రీకరించారు.ఈ చిత్రంలో ఎన్టీఆర్ సరసన త్రిషా, మరోభామ కార్తీక నటిస్తున్న విషయం తెలిసిందే.

            బోయపాటి శ్రీను దర్శకత్వం వహిస్తున్న ఈ చిత్రాన్ని అలెగ్జాండర్ వల్లభ నిర్మిస్తున్నారు. ఎమ్ఎమ్ కీరవాణి సంగీతం అందిస్తున్న ఈ చిత్ర ఆడియో ఈ నెల 23న విడుదల చేయడానికి సన్నాహాలు చేస్తున్నారు. ఎన్టీఆర్ పవర్ ఫుల్ పాత్రలో కనిపించనున్న ఈ చిత్రాన్ని వేసవిలో విడుదల చేయడానికి నిర్మాత సన్నాహాలు చేస్తున్నారు.

...avnk