Posted: 02/22/2012 12:30 PM IST

ప్రపంచ అందాల సుందరి ఐశ్వర్యారాయ్ ఈ మధ్యే ఓ బిడ్డకు జన్మినిచ్చిన సంగతి తెలిసిందే. ఐష్ ఏ బేబీకి జన్మనిస్తుందనే దగ్గర నుంచి ఆ బిడ్డకు ఏ పేరు పెడతారనే వరకూ సర్వత్రా ఆసక్తి కొనసాగింది. అయితే తాజాగా ఈ ఊహాగానాలు ఓ కొలిక్కి వచ్చినట్టు తెలుస్తోంది.

ఐష్-అభిషేక్ బచ్చన్‌ల కుమార్తె పేరుపై చాలా రూమర్స్ చెలరేగుతున్న నేపథ్యంలో, అవన్నీ ఊహాగానాలేనని, ఆమెకు అభిలాష అని నామకరణం చేయనున్నారని ప్రముఖ రచయిత్రి శోభా డే వెల్లడించారు. ‘బేటీ బీకి అభిలాషగా నామకరణం చేయాలనుకుంటున్నారట?’ అంటూ ట్విట్టర్ ద్వారా ఐశ్వర్య, అభిషేక్ దంపతులకు శోభా అభినందనలు తెలిపారు. కాగా, ఈ పేరును బచ్చన్ కుటుంభం ధ్రువీకరించలేదు సరికదా అంతా ఫాల్స్ అని కొట్టిపారేశారు.

మా అందాల బొమ్మ పేరు అభిలాష కాదని తాత అమితాబ్‌ బచ్చన్‌ తేల్చి చెప్పేశారు. ఐశ్వర్యరాయ్ బచ్చన్‌, అభిషేక్‌ దంపతుల కుమార్తె పేరు త్వరలోనే ప్రకటిస్తామని అన్నారు. ఆసుపత్రి నుంచి విడుదలైన తరువాత చిన్నారి పేరు వెల్లడిస్తామని మృదువుగా చెప్పారు.

.

...avnk