Posted: 02/18/2012 04:17 PM IST

తెలుగు ప్రేక్షకులకి తెల్లపిల్ల తాప్సీ ప్రత్యేకంగా గురించి చెప్పాల్సిన పనిలేదు. ఎందుకంటే ఆమె తెల్లగా ఉంటుంది కాబట్టి ఏం చేసినా అందంగానే ఉంటుందని కుర్రకారు ఫిక్సై పోయారు. అటు మోడల్ డ్రెస్సులోనూ, చీరకట్టులోనూ, ఆమె చాలా గ్లామర్ గా తెల్లగా ఉంటుందని  చెబుతున్నారు. అయితే అందాల తాప్సీకి అదృష్టం ఇంకా కలిసిరావడం లేదు. పెద్ద హీరోలు, దర్శకుల కాంబినేషన్ లో నటించినప్పటికీ ... పాలమీగడ లాంటి  తన తెల్లటి అందాలను చందమామలా తెరపై తేనెలా ఒలికించినప్పటికీ ప్రయోజనం లేకుండాపోతోంది. ఇలా వచ్చిన హీరోయిన్లు అలా ముందుకు దూసుకుపోతుంటే తాప్సీ కెరియర్ మాత్రం  నిదానంగా వెళుతోంది. ఇదే విషయాన్ని ఆమె దగ్గర ప్రస్తావిస్తే, ప్రస్తుతం తాను 'దరువు', 'గుండెల్లో గోదారి' చిత్రాలు చేస్తున్నాననీ ... ఈ రెండు చిత్రాలు తన లోని నటనని అద్భుతంగా ఆవిష్కరిస్తాయని చెబుతోంది. ఈ సినిమాలపై తాను ఎన్నో ఆశలు పెట్టుకున్నాననీ ... అవి తప్పక తన భవిష్యత్తుని నిర్దేశిస్తాయని అంటోంది. చూద్దాం ... ఏదో ఒకటి హిట్టుకాకపోతుందా ... ఆమె బెట్టు చేస్తూ చెట్టెక్కకపోతుందా...!