Posted: 02/17/2012 01:57 PM IST

 మెగా పవర్ స్టార్ రామ్ చరణ్ తేజ్ లేటెస్ట్ మూవీ ‘రచ్చ’ విడుదలకు ముందే సత్తా చాటుతోంది. ఈ సినిమా ఆడియో పంపిణీ హక్కులు ఆదిత్య మ్యూజిక్ దక్కించుకుంది. అందుకోసం దాదాపు కోటి రూపాయల వరకు చెల్లించినట్లు సమాచారం. ఒక తెలుగు సినిమా ఆడియో రైట్స్ కి ఇంత పెద్దమొత్తం వెచ్చించడం ఇదే ప్రధమం.

కాగా, రామ్ చరణ్ సరసన తమన్నా నటిస్తోన్న ఈ మూవీకి సంగీతం మణిశర్మ అందిస్తున్నారు. ఇప్పటికే మొదటి పాట లీకై బాగా పాపులర్ అయింది. 90 వ దశకంలో వచ్చిన సూపర్ హిట్ మూవీ ‘గ్యాంగ్ లీడర్’ లోని ‘వానా వానా వెల్లూవాయే’ పాటను ఈ మూవీకోసం రీమిక్స్ చేశారు. అప్పుడు మెగాస్టార్ చిరంజీవి – విజయశాంతి పైన చిత్రీకరించిన ఈ పాటకు ప్రముఖ సంగీత దర్శకుడు బప్పీలహరి బాణీలు సమకూర్చారు.

ఇంతకు ముందు చరణ్ సినిమా ‘మగధీర’ లో ‘ఘరానా మొగుడు’ మూవీ నుంచి బంగారు కోడిపెట్ట పాట రీమిక్స్ చేసిన సంగతి తెలిసిందే. ఇదిలా ఉండగా, ‘రచ్చ’ సినిమాకు సంపత్ నంది దర్శకత్వం వహిస్తున్నారు. మెగా సూపర్ గుడ్ మూవీస్ బ్యానర్ మీద ఈ మూవీ నిర్మితమౌతోంది.

...avnk