Posted: 01/21/2012 03:21 PM IST

మెగా ఫ్యాన్స్ అభిమానులకు, చిత్ర ప్రేమికులకు శుభవార్త. మెగా పవర్ స్టార్ రామ్ చరణ్ తేజ్ మరో కొత్త చిత్రం తో ప్రేక్షకుల ముందుకు రాబోతున్నాడు. ‘ఎవడు’ టైటిల్ తో దిల్ రాజు నిర్మాతగా ఎస్ వి సి బ్యానర్లో ఈ సినిమా నిర్మిస్తున్నారు. ‘బృందావనం’ చిత్ర దర్శకుడు వంశీ పైడిపల్లి చరణ్ తాజా చిత్రానికి దర్శకత్వం వహిస్తున్నారు.

ఫిబ్రవరి 23 నుంచి సినిమా రెగ్యులర్ షూటింగ్ జరుగుతుంది. వరుస విజయాలతో మాంచి జోరుమీదున్న సమంతా ఈ చిత్రంలో ఒక కథానాయిక కాగా, రెండో హీరోయిన్ గా బాలీవుడ్ లో జెస్సిగా అందరి మన్ననలు అందుకున్న ఆమీ జాక్సన్ నటిస్తోంది.

వైవిధ్యమైన కథాంశంతో తెరకెక్కెతోన్న ఈ సినిమాలో యాక్షన్ వినోదం సమపాళ్లలో అందిస్తామని చిత్ర నిర్మాత అంటున్నారు. ఈ చిత్ర విజయంతో వంశీ పైడిపల్లి మా సంస్థలో హ్యాట్రిక్ విజయాన్ని సొంతం చేసుకుంటారని దిల్ రాజు ధీమా వ్యక్తం చేస్తున్నారు.

ఈ సినిమాకు సంగీతం దేవీ శ్రీ ప్రసాద్ అందిస్తుండగా, కథ వక్కంతం వంశీ, మాటలు అబ్బూరి రవి సహనిర్మాతలు శిరీష్ .లక్ష్మణ్. 

                                                                                                          ...avnk